*कोकण रेल्वे फुकट्याविरोधात टिकीट तपासणी मोहीम तीव्र करणार,गेल्या महिन्यात 2 कोटींचा दंड वसूल*
मुंबई(प्रतिनिधी):-कोकण रेल्वेने आपल्या मार्गावर तिकीट तपासणी मोहीम अधिक तीव्र केली असून फेब्रुवारी 2026 या एकाच महिन्यात विनातिकीट व अनियमित प्रवास करणाऱ्या प्रवाशांकडून मोठा दंड वसूल केला आहे. कोकण रेल्वेने दिलेल्या माहितीनुसार  फेब्रुवारी महिन्यात एकूण 873 विशेष तपासणी मोहीमा राबविण्यात आल्या. यादरम्यान 41522 प्रवासी विनातिकीट किंवा चुकीच्या तिकीटासह प्रवास करताना आढळले.
या प्रवाशांकडून रेल्वेचे भाडे आणि दंड स्वरूपात 2 कोटी 41 लाख वसूल करण्यात आले आहेत.
चालू आर्थिक वर्षाचा (2025-26) वर्षांचा विचार केला असता फेब्रुवारी अखेरपर्यंत कोकण रेल्वेने 10368 मोहिमा राबविल्या आहेत. यामध्ये आतापर्यंत 454849 केसेस पकडण्यात आल्या असून एकूण 25 कोटी 21 लाखांचा महसूल दंड म्हणून वसूल जमा झाला आहे. येणाऱ्या सणासुदीच्या काळात प्रवाशांची होणारी गर्दी लक्षात घेता कोकण रेल्वेने ही मोहीम अधिक व्यापक करण्याचा निर्णय घेतला आहे. रेल्वेच्या ताज्या अपडेट्ससाठी प्रवाशांनी "केआर मिरर" ॲप डाउनलोड करावे असेही प्रसिद्धीपत्रकात म्हटले आहे.