*नंदुरबार येथे लाडकांना मंगल कार्यालयात श्री झुलेलाल सेवा मंडळमार्फत आरोग्य तपासणी शिबिर*
नंदुरबार(प्रतिनिधी):-श्री झुलेलाल सेवा मंडळ मार्फत आरोग्य शिबिर व महिलांचे गर्भाशय मुख कॅन्सर तपासणी शिबिर घेण्यात आले यात आरोग्य शिबिरात 210 तर 100 महिलांची तपासणी करण्यात आली. भगवान श्री झुलेलाल यांच्या जन्मदिवस चेट्री चंद्र अर्थात सिंधी दिवस 20 मार्च शुक्रवार रोजी साजरा केला जाणार आहे. यानिमित्त दिनांक 15 मार्चपासून सिंधी समाजातर्फे विविध कार्यक्रमाचे आयोजन केले आहे
आज रविवारी लाडकाना मंगल कार्यालय येथे आरोग्य शिबिर तसेच महिलांसाठी गर्भाशय मुख कॅन्सरची तपासणी शिबिर आयोजित करण्यात आले. त्यात महिलांची 100 पेप स्मीअरची चाचणी करण्यात आली. व 210 व्यक्तींची बीपी, शुगर, सीबीसी इत्यादी तपासण्या करण्यात आल्या. पेप स्मीअर ने दहा ते पंधरा वर्षे आधीच भविष्यात होणाऱ्या गर्भाशय मुख कॅन्सरच्या अंदाज करता येतो. त्यामुळे वेळीस योग्य उपचार करून पुढील अनर्थ टाळता येणे हेच या तपासणीचे महत्त्व आहे. ही तपासणी खाजगीत केल्यास 100 ते 1500 रुपये पर्यंत खर्च येतो. मात्र समाजाच्या दानशूर व्यक्तींच्या सहकार्याने ही तपासणी फक्त 200 रुपयात करण्यात आली. शिबिर संयोजनासाठी श्री झुलेलाल सेवा मंडळचे सर्व सदस्य तसेच सिंधी समाजाचे नारायणदास वाधेवा, शंकरलाल रंगलाणी, डॉ.अनुप कटारिया, डॉ .यश कटारिया, डॉ.सौ दिपीशा कटारिया, सौ किरण चंचलानी, डॉ. सौ. रश्मी तेजवणी, डॉ. सौ निकिता काशानी, डॉ. बखत्यापुरी, डॉ सिमरन गुरुबक्षानी, डॉ कनक दावाणी यांनी सहकार्य केले. डॉ.राजेश केसवानी, डॉ.अर्जुन लालचंदाणी आणि डॉ. प्रकाश चंचलाणी, डॉ राहुल काशानी यांनी शिबिर आयोजनात सहकार्य व मार्गदर्शन केले.