*एम.के.डी.टॅलेंट हंट स्पर्धेत देवरे विद्यालयाचे विद्यार्थ्यांना सुयश*
नंदुरबार(प्रतिनिधी):-तालुक्यातील आत्माराम धवळू देवरे माध्यमिक विद्यालय विखरण येथील विद्यार्थ्यांनी एम. के.डी. इन्स्टिट्यूट ऑफ टेक्नॉलॉजी या संस्थेतर्फे इयत्ता दहावी अभ्यासक्रमाच्या सराव करून घेणे व विद्यार्थ्यांच्या सर्वांगीण विकासासाठी तसेच तांत्रिक विषयांबद्दल माहिती अवगत व्हावी या उद्देशाने आयोजित 'एम.के. डी टॅलेंट हंट' या परीक्षेमध्ये विद्यालयातील दहावीच्या विद्यार्थ्यांनी सहभाग घेतला होता त्यात विद्यालयातील कु. देवर्षी काशिनाथ पाटील प्रथम, कु. सुवर्णा दिगंबर पाटील द्वितीय तर मानसी महेश पाटील या विद्यार्थिनीने तृतीय क्रमांक पटकावला. यशस्वी विद्यार्थ्यांना सदर संस्थेतर्फे प्रा.अक्षय सोनवणे सिव्हिल इंजिनिअरिंग डिपार्टमेंट,विद्यालयाचे मुख्याध्यापक डी.डी.साळुंके यांच्या हस्ते शैक्षणिक साहित्य व प्रशस्तीपत्र देऊन सन्मानित करण्यात आले. इतर वर्गांची परीक्षेत सहभागी विद्यार्थ्यांना देखील प्रशस्तीपत्र वितरित करण्यात आले. उपस्थित विद्यार्थ्यांना सहभाग प्रमाणपत्र प्रदान करण्यात आले. प्रा.सोनवणे यांनी विद्यार्थ्यांना मार्गदर्शन करताना आपल्या एम. के. डी.इन्स्टिट्यूट विषयीची विविध वैशिष्ट्ये सांगताना संस्थेचा उत्कृष्टतेचा वारसा, सुसज्ज प्रयोगशाळा, मध्यवर्ती ग्रंथालय, उच्च व्यावसायिक शैक्ष. संस्कृती, विद्यार्थी केंद्रित मार्गदर्शन उद्योग केंद्रित शिक्षण आणि व्यक्तिमत्व विकासासाठी व्यापक प्रशिक्षण, उद्योजकता विकास सेल विषयी मार्गदर्शन करत विद्यार्थ्यांना भावी शैक्षणिक यशस्वीतेसाठी शुभेच्छा देत आपले मनोगत व्यक्त केले. कार्यक्रमाचे सूत्रसंचालन उपशिक्षक डी.बी. भारती तर आभार एम.डी.नेरकर यांनी मांडले.कार्यक्रम यशस्वीतेसाठी उपशिक्षक वाय.डी. बागुल, एम.एस. मराठे, ए.एस.बेडसे एस.एच.गायकवाड,व्ही. बी.अहिरे तसेच डी.बी. पाटील, एस.जी. पाटील एच.एम. खैरनार यांनी संयोजन केले.