*मातोश्री गोणाई महिला मंडळामार्फत जागतिक महिला दिन उत्साहात साजरा*
नंदुरबार(प्रतिनिधी):-मातोश्री गोणाई महिला मंडळ, नंदुरबार यांच्यातर्फे जागतिक महिला दिन उत्साहात साजरा करण्यात आला. कार्यक्रमाच्या अध्यक्षस्थानी सौ. संगिता अनिल जाधव या होत्या. प्रमुख पाहुणे तथा मार्गदर्शक म्हणून पोलीस विभागातील वाहतूक नियंत्रक श्रीमती मीना पवार व शिक्षण क्षेत्रातील शिक्षण विस्तार अधिकारी तळोदा श्रीमती आरती सुनिल शिंपी या होत्या. जागतिक महिला दिनाचे औचित्य साधून मंडळातर्फे विविध कार्यक्रमाचे आयोजन करण्यात आले त्यात प्रामुख्याने आरोग्य तपासणी करण्यात आली तसेच मनोरंजनात्मक खेळाचे आयोजन करण्यात आले. कार्यक्रमाचे आकर्षण गोणाई महिला मंडळाच्या कार्यकारणीने घुमर पेहराव करून नृत्य सादर केले त्यास उपस्थित महिलांनी मनपूर्वक दाद दिली. विशेष म्हणजे लायन्स क्लब नंदुरबार आयोजित नृत्य स्पर्धेत गोणाई महिला मंडळाने घुमर नृत्य दिनांक 8 मार्च रोजी छत्रपती शिवाजी महाराज नाट्यमंदिर नंदुरबार येथे सादर केले होते. कार्यक्रमाच्या यशस्वीतेसाठी कार्यकारी मंडळातील सचिव सौ. सरिता भामरे, सदस्या सौ. पुजा शिंपी, सौ. प्रिया देवरे, सौ. अपेक्षा शिंपी, सौ. वंदना चव्हाण, सौ. रत्ना जाधव, सौ. अरुणा बाविस्कर, सौ. स्वाती शिंपी, सौ. मनिषा पवार, सौ. अनिता सैंदाणे, सौ. रंजना शिंपी, सौ. प्रिती भांडारकर, सौ. सोनाली सोनवणे, वंदना सावळे, सिंधु निकुंभ यांनी परिश्रम घेतले.