*महान समाजसुधारक सावित्रीबाई फुले माळीवाडा स्थित पुतळ्यास यांच्या स्मृतिदिनानिमित्त भारतीय जनता पार्टी नंदुरबार शहर मंडळाच्या वतीने अभिवादन*
नंदुरबार(प्रतिनिधी):-भारतातील पहिल्या महिला शिक्षिका व महान समाजसुधारक सावित्रीबाई फुले माळीवाडा स्थित पुतळ्यास यांच्या स्मृतिदिनानिमित्त भारतीय जनता पार्टी नंदुरबार शहर मंडळाच्या वतीने अभिवादन कार्यक्रम आयोजित करण्यात आला. या प्रसंगी क्रांतिज्योती सावित्रीबाई फुले यांच्या प्रतिमेस पुष्पहार अर्पण करून त्यांच्या कार्याला अभिवादन करण्यात आले. त्यांच्या विचारांमुळे समाजात शिक्षणाचे महत्त्व वाढले असून महिलांना सन्मानाचे स्थान मिळाले आहे.
या कार्यक्रमास नंदुरबारचे उपविभागीय पोलिस अधिकारी संजय महाजन, नगरपालिका विरोधी पक्ष नेते हिरालाल चौधरी, नगरपालिका प्रतोद आनंदा माळी, नगरसेविका सरिता माळी, नगरसेवक पंकज चौधरी, लक्ष्मण माळी, प्रकाश भोई, भाजपा माजी शहर अध्यक्ष नरेंद्र माळी, भाजपा शहर अध्यक्ष नरेश कांकरिया, शहर सरचिटणीस प्रशांत चौधरी तसेच परिसरातील नागरिक मोठ्या संख्येने उपस्थित होते.