*महाराष्ट्र राज्य अंगणवाडी कर्मचारी समन्वय समिती, अंगणवाडी कर्मचाऱ्यांच्या मागण्यांवर सचिव डॉ.अनुपकुमार यादव यांच्याशी चर्चा*
नंदुरबार(प्रतिनिधी):-9 मार्च 2026 रोजी दुपारी 4 वाजता डॉ. अनुपकुमार यादव, सचिव महिला बालविकास विभाग, तसेच विलास ठाकूर सहसचिव    यांच्याशी राज्यातील अंगणवाडी कर्मचाऱ्यांच्या प्रलंबित मागण्यांवर महाराष्ट्र राज्य अंगणवाडी कर्मचारी समन्वय समितीचे निमंत्रक युवराज बैसाणे आणि जयश्री वाबळे यांनी निवेदन देऊन सविस्तर चर्चा करण्यात केली. मध्यवर्ती सरकारच्या पातळीवर स्पर्श प्रणालीचे काम पूर्ण झालेले असून मानधन मिळण्याचा मार्ग मोकळा झाला आहे त्यामुळे येत्या 8 दिवसात थकीत मानधन अदा करण्यात येईल. सर्वोच्च न्यायालयाने दिलेल्या आदेशानुसार सेवानिवृत्त झालेल्या अंगणवाडी कर्मचाऱ्यांना ग्रॅज्युएटी (उपदान) देणेबाबत प्रस्ताव तयार असून मंत्रिमंडळाची मान्यता तातडीने घेण्यात येईल. FRS प्रणालीमध्ये तांत्रिक  सुधारणा करण्यासाठी केंद्र शासनाकडे पाठपुरावा सुरू आहे. तसेच पर्यवेक्षिकांच्या  पदांच्या भरतीबाबत मंत्री यांच्यासूचनेनुसार कार्यवाही करण्यात. महिन्याच्या उन्हाळी सुटी एक महिन्याची देण्याबाबत सकारात्मक निर्णय घेण्यात येईल असे चर्चेत सांगितले.
या व इतर प्रश्नांवर  महत्वपूर्ण चर्चा करण्यात आली. सदर चर्चेत समन्वय समितीचे निमंत्रक युवराज बैसाणे, श्रीमती जयश्री वाबळे, अमोल बैसाणे यांनी भागीदारी केली. असे संजय मापले, रामकृष्ण बी. पाटील, संगीता गागरे, चंदा नवले, सत्यभामा रंगारी, राजू पाटील, वकील पाटील यांनी कळविले आहे.