*टिटवाळा येथील कोकण रहिवाशी मंडळाचा  स्नेहमेळावा थाटामाटात संपन्न*
टिटवाळा(प्रतिनिधी):-कोकण रहिवाशी मंडळ टिटवाळा (रजि.) मंडळाचा स्नेहमेळावा कार्यक्रम 1 मार्च 2026 रोजी सायंकाळी 3 ते 7 वा. श्री स्वामी समर्थ महाराज मठ, डि जि वन येथे थाटामाटात पार पडला. या कार्यक्रमाची धुरा मंडळाचे संस्थापक अध्यक्ष यशवंत सदाशिव परब बुवा, उपाध्यक्ष शंकर पेंडुरकर, कार्याध्यक्ष  प्रवीण टोले, सचिव निलेश राणे, खजिनदार गुणाजी नंदकुमार गावडे, सहखजिनदार योगेश टोले, कमिटी सदस्य नामदेव पिचुर्ले, प्रकाश चौगुले, सौ सीमा पिंपुटकर, सल्लागार संतोष राणे यांनी सांभाळली. गणेशाचे पूजन करून छत्रपती शिवाजी महाराजांना वंदन करून श्री स्वामी समर्थ महाराजाचे कृपाशीर्वादाने दिपप्रज्वलन करून कार्यक्रमाची सुरुवात करण्यात आली मंडळाचे जेष्ठ सभासद दिलिप चिपकर, भिवाजी धुरे, नितीन कदम, दळवी यांचे मोलाचे मार्गदर्शन लाभले. मंडळाचे सभासद मनोहरजी टेमकर यांनी सुत्रसंचलन जबाबदारी स्वीकारून कार्यक्रमाची रंगत वाढली राजन गावडे यांनी आपल्या भारदस्त आवाजाने मनोहर टेंमकर यांना सुत्रसंचलना मध्ये साथ दिली. होळी सणासाठी गावी जाण्याची लगबग सुरू असताना हि मेळाव्याला चांगली उपस्थिती होती.
मंडळाच्या वतीने उपस्थित जेष्ठ नागरिकांना पदाधिकारी व सभासदांच्या हस्ते शाल व पुष्पगुच्छ देऊन सन्मानित करण्यात आले तसेच उपस्थित पहिली वर्ग ते बारावी पर्यंतच्या विद्यार्थ्यांना मंडळाच्या वतीने वह्या व पेन भेट देऊन पुढील शैक्षणिक प्रवासा साठी शुभेच्छा देण्यात आल्या. स्नेहमेळाव्याला विशेष अतिथी म्हणून कल्याण डोंबिवली महानगर पालिकेचे टिटवाळ्यातील नवनिर्वाचित नगरसेवक सन्मा. बंदेश जाधव तसेच प्रमुख अतिथी कुणबी समाज मंडळ टिटवाळाचे अध्यक्ष मोहन कणेरी, कल्याण सावंतवाडी रेल्वे प्रवासी संघटनेचे अध्यक्ष सुनील उतेकर, ज्ञान साधना कोचिंग क्लासेस सर्वेसर्वा विशाल पातेरे, शिवसेना महिला संघटक टिटवाळाच्या सौ श्रेया जाधव यांनी उपस्थित राहून कार्यक्रमाची शोभा वाढवली तसेच उपस्थित जनसमुदायास मार्गदर्शन करुन कोकण रहिवाशी मंडळाला पुढील वाटचालीसाठी शुभेच्छा दिल्या मंडळाच्या आमंत्रणाला मान देऊन उपस्थित राहिलेल्या सर्व मान्यवरांचे शाल व पुष्पगुच्छ देऊन सन्मान करुन आभार मानले. उपस्थित महिलांना मंडळातील महिला पदाधिकारी व सभासदांनी हळदीकुंकू चा मान देऊन सन्मानित करण्यात आले. स्नेहमेळावा कार्यक्रमाला देणगी स्वरूपात तसेच वस्तू स्वरूपात मदत केलेल्या सर्वांचे कोकण रहिवाशी मंडळ टिटवाळाच्या वतीने आभार मानून कार्यक्रमाची सांगता करण्यात आली. कार्यक्रम यशस्वीरित्या पार पाडण्यासाठी संतोष भोसले, गोपीचंद घाटीये, रंजीत पुसाळकर, सुरेश वारंग, संदेश सावंत, अमित पांचाळ, सौ. शितल पेंडुरकर, सौ. करुणा परब, सौ. पूर्वा टोले, सौ. प्रियांका चौगुले, सौ. रूपा पुसाळकर, सौ. समिक्षा गवस, सौ. सुप्रिया पवार, सौ. सुष्मिता तावडे, सौ. वर्षा मेस्त्री, सौ. सई वारंग, सौ. दिपाली नाईक, सौ. प्रिया बने या सर्व सभासदांनी विशेष मेहनत घेतली.