*संगमेश्वर तालुक्यातील फणसवणे येथे "गुरववाडी प्रीमियर लिग-2026" (पर्व 3 रे) यशस्वीरित्या संपन्न*
संगमेश्वर(प्रतिनिधी):-तालुक्यातील फणसवणे (गुरववाडी) येथे सालाबादप्रमाणे आयोजित करण्यात आलेली "गुरववाडी प्रीमियर लिग –2026" (पर्व–3) क्रिकेट स्पर्धा उत्साहात व यशस्वीरीत्या पार पडली. क्षया स्पर्धेत कै. प्रमोद व श्रद्धा स्मृती चषक–2026 स्पर्धेचा प्रथम क्रमांक गार्गी सुपर किंग संघाने पटकावला. या संघाचे मालक मनोज गुरव असून कर्णधार भगवंत गुरव यांनी उत्कृष्ट नेतृत्व केले. द्वितीय क्रमांक श्री विघ्नहर्ता क्रिकेट संघ यांना मिळाला. संघ मालक जितेंद्र गुरव व कर्णधार ऋतिक गुरव यांनी संघाचे प्रतिनिधित्व केले. तृतीय क्रमांक आर. जी. इव्हेंट स्टार संघाने मिळवला. संघ मालक रोहित गुरव व कर्णधार कुणाल गुरव होते. चतुर्थ क्रमांक शिवांशी क्रिकेट क्लब संघाने मिळवला. संघ मालक अरविंद गुरव व कर्णधार महेश गुरव यांनी संघाचे नेतृत्व केले.सर्व विजेत्या संघांचे हार्दिक अभिनंदन करण्यात आले
आणि स्पर्धेच्या यशस्वी आयोजनासाठी सर्व सहकारी, खेळाडू व ग्रामस्थांचे मनःपूर्वक आभार मानण्यात आले.