*अहमदाबादहून निघालेल्या प्रेरणा एक्सप्रेसला आग लागल्याची घटना*
नंदूरबार(प्रतिनिधी):-गुजरात राज्यातील सुरत जवळील अहमदाबादहून नागपूरकडे जाणाऱ्या प्रेरणा एक्स्प्रेसला  बारडोली मढी परिसरातील टेंबरवा गावाजवळ ट्रेनला आग लागली घटना घडली, आग लागल्यामुळे प्रवाशांमध्ये एकच खळबळ उडाली होती, तात्काळ ट्रेन थांबवून आग आटोक्यात आणण्यात रेल्वे प्रशासनाला यश आले आहे. ट्रेनच्या डब्याखालील ब्रेक आणि स्प्रिंग जवळ ही आग लागली होती आग लागण्याचे कारण अद्याप अस्पष्ट असून, ही ट्रेन अहमदाबादहून महाराष्ट्रातील नागपूरकडे जात असल्याचे रेल्वे प्रशासनाकडून कळले आहे.