*नंदुरबार शहरातील पालकेअंतर्गत येणाऱ्या प्रभाग क्र. 14 मधील समस्या व मागण्यांसाठी उपोषण विषयी पालिका मुख्याधिकारी यांना निवेदन देण्यात आले*
नंदुरबार(प्रतिनिधी):-नंदुरबार पालिकेचे मुख्याधिकारी यांना नंदुरबार शहरातील पालकेअंतर्गत येणाऱ्या प्रभाग क्र. 14 मधील समस्या व मागण्यांसाठी उपोषण विषयी निवेदन देण्यात आले आहे.
निवेदनात नमूद केल्यानुसार नंदुरबार शहरातील प्रभाग क्र 14 मधील विविध समस्यांचे निराकरण करणे, तसेच विविध विकास कामे मंजुर करण्याची गरज असल्याबाबतचे निवेदन देण्यात आले आहे, त्यात विकास माळी रा. धानोरारोड माळीवाडा यांच्या घराजवळ ड्रेनेज काम करून धानोरा रस्ता दुरूस्ती करणे,
पात्र आदिवासी बांधवांना शबरी घरकुल योजनेचा लाभ मिळावा, महात्मा फुले पुतळा परिसरात ड्रेनेज समस्याचे कायमस्वरूपी निराकरण करणे,
भद्रा चौक, श्रीराम, साईबाबा चौकातील रस्ते नवीन बनवणे,
दोन्ही आदिवासी वस्तीत ड्रेनेज सुविधा उपलब्ध करून द्यावी, शासन निर्णयानुसार प्रभागातील रहिवासी अतिक्रमणे नियमाकुल करण्यात यावी, प्रभागातुन शहराशी जोडणारे प्रस्तावित नवीन रस्त्यांसाठी नपा अर्थसंकल्पात आर्थिक तरतुद करणे. या मागण्याबाबत नियोजन करून 17 फेब्रुवारी 2026 पर्यंत उपाययोजना करण्यात याव्या अन्यथा 17 फेब्रुवारी 2026 या दिवसापासुन विकास माळी यांच्या घराजवळ, धानोरारोड माळीवाडा परिसरात नगरसेवक व गटनेते आनंद बाबुराव माळी व सामाजिक कार्यकर्ते लक्ष्मण दशरथ माळी यांच्याकडुन अन्नत्याग करून रास्तारोको आंदोलन करून उपोषण करण्यात येईल, असे पालिका मुख्याधिकारी यांना देण्यात आलेल्या निवेदनात नमूद करण्यात आले आहे, यावेळी पालिकेचे विरोधी पक्ष नेते हिरालाल चौधरी यांच्यासह, पालिकेचे विरोधी पक्षाचे गटनेते आनंद माळी तसेच लक्ष्मण माळी उपस्थित होते.