*ज्ञानभारती विद्यालय वल्लभनगर येथे आनंद बालोत्सव व बक्षिस वितरण*
पुलगाव(प्रतिनिधी):-स्थानिक वल्लभनगर (गुंजखेडा) येथील ज्ञानभारती विद्यालयात आनंद बालोत्सव व बक्षिस वितरण कार्यक्रम आयोजित करण्यात आला होता. कार्यक्रमाच्या अध्यक्ष स्थानी युवकभारती शिक्षण संस्था पुलगाव चे सचिव ॲड. नितीन जी रावेकर, प्रमुख अतिथी म्हणून संस्थेच्या उपाध्यक्षा ॲड सौ नेहाताई रावेकर, भगवा रक्षक समितीचे अध्यक्ष हरीश बोरकर, उपाध्यक्ष चंदनसिंग चव्हाण, माजी विद्यार्थी पंकज कात्रे आणि प्राचार्य सौ. सुनीता भुरुकुंडे, मुख्याध्यापिका सौ. शोभा वासनकर, सौ. वनिता मडावी मंचावर उपस्थित होते. कार्यक्रमाची सुरुवात माता सरस्वती व सावित्रीबाई फुले यांच्या प्रतिमेचे पूजन करून करण्यात आली. यानंतर शिक्षक प्रदीप येलमुले यांनी आपल्या प्रास्ताविकातून शाळेविषयी संपूर्ण माहिती दिली. त्यानंतर मान्यवरांनी आपले मनोगत व्यक्त केले. त्यात कार्यक्रमाच्या प्रमुख अतिथी ॲड सौ नेहाताई रावेकर यांनी पालकांना, शिक्षकांना व विद्यार्थ्यांना मार्गदर्शन केले. त्यानंतर ॲड नितीन रावेकर यांनी पालकांना संस्था शाळेविषयी नेहमी सकारात्मक कार्य करत असून त्यात पालकांचा सहभाग असणे महत्त्वाचे आहे असे मत व्यक्त केले. यावेळी विद्यार्थ्यांना शालेय उपक्रम व विविध संस्था, तसेच विविध परीक्षा यामध्ये यश प्राप्त करणाऱ्या विद्यार्थ्यांना सन्मानचिन्ह व प्रमाणपत्र देऊन सत्कार करण्यात आला. यानंतर आनंद बालोत्सव कार्यक्रमाची सुरुवात नटराज यांच्या प्रतिमेचे पूजन करून करण्यात आली. या कार्यक्रमात नर्सरी ते सातवी पर्यंत च्या विद्यार्थांनी विविध नृत्य, नाटकं, भारुड, कव्वाली, निसर्ग गीत, भीमगीत, शाळा गीत, दाक्षिणात्य नृत्य सादर केले. कार्यक्रमाचे संचालन व आभार प्रदर्शन राजेश देठे यांनी केले. कार्यक्रमाच्या यशस्वीतेसाठी  मुखाध्यापिका सौ वनिता मडावी यांच्या मार्गदर्शनाखाली मोतीराम सतई, यामिनी राजुरकर, राजेश देठे, प्रदीप येलमुले, अश्विन धोंगडे, कल्पना करपाते, वनिता कथलकर, कविता राऊत यांनी परिश्रम घेतले. तसेच शिक्षक सागर टिप्रमवार, देवेंद्र गडेकर, अनिल माहूरे, प्रवीण संभे, श्रीकांत बोबडे, अतुल साळवे, संजय कुंभारे, मंजिरी धांदे, प्रदीप रावेकर, हेमलता करनाके, निरुपमा यादव, हरीश बहिरम उपस्थित होते. तसेच भगवा रक्षक समितीचे सदस्य गणेश पवार, अनिल परसगाये, प्रवीण नांदे, अनुष्का जुमडे, राजेंद्र बोकडे, निलेश नागतोडे, चंद्रकांत मोरे, संदेश राऊत, महेंद्र दहाट, हनुमान कात्रे व मोठ्या संख्येने पालक उपस्थित होते. शेवटी विद्यार्थ्यांनी सादर केलेल्या सर्व नृत्याला भगवा रक्षक समिती द्वारा बक्षिसे देण्यात आली. व कार्यक्रमाची सांगता राष्ट्रगीताने करण्यात आली.