*राजापूर क्रिकेट समिती आयोजित क्रिकेट स्पर्धेत साई चॅलेंजर धोपेश्वर विजेता, उपविजेता चॅम्पियन्स भालावली*
राजापूर(प्रतिनिधी):-तालुक्यातील क्रिकेट प्रेमींसाठी उत्साहाची प्रेरणा ठरलेली राजापूर क्रिकेट समिती आयोजित तीन दिवसीय क्रिकेट स्पर्धा राजापूरच्या वरची पेठ येथील राजीव गांधी मैदानावर मोठ्या जल्लोषात पार पडली या स्पर्धेत साई चॅलेंजर धोपेश्वर या संघाने उत्कृष्ट कामगिरी करत प्रथम क्रमांक पटकावला
द्वितीय क्रमांक  चॅम्पियन्स भालावली तर
निनादेवी डोंगर संघाने तृतीय क्रमांक पटकावला.
स्पर्धेतील वैयक्तिक पुरस्कारामध्ये  भालावलीच्या निवृत्ती भोसले यांना मालिकावीर पुरस्काराने गौरविण्यात आले. धोपेश्वरच्या वैभव मांजलकर याला उत्कृष्ट फलंदाज, देवेंद्र कदम उत्कृष्ट गोलंदाज तर हर्षद चापडे याला उत्कृष्ट  क्षेत्ररक्षक पुरस्काराने सन्मानित करण्यात आले. स्पर्धेतील प्रथम क्रमांक विजेत्याला 51 हजार 111 रुपये, द्वितीय क्रमांकाला 25 हजार 111 रुपये व‌ तृतीय क्रमांक विजेत्याला 5 हजार 111 रुपये व चषक देण्यात आले. स्पर्धेचा शुभारंभ पोलीस निरीक्षक अमित यादव यांच्या प्रमुख उपस्थितीत मान्यवरांच्या हस्ते करण्यात आला यावेळी समितीचे सल्लागार व सामाजिक कार्यकर्ते रविंद्र नागरेकर, कब्बडी फेडरेशनचे मोहन पाडावे, राजन लाड, महेश नकाशे, योगेश नकाशे, संतोष तांबे, अरविंद लांजेकर, नगरसेवक दिलीप अमरे, सुभाष नवाळे, ॲड प्रविण नार्वेकर आदी उपस्थित होते. स्पर्धा यशस्वी करण्यासाठी राजापूर क्रिकेट समितीचे पदाधिकारी महेश गोंडाळ, प्रशांत नागरेकर, अमित चंदूरकर, अरविंद ‌लिगम, राजेश जोशी, सचिन राऊत, सुधीर तेरवणकर, अरविंद लांजेकर यांनी विशेष मेहनत घेतली. सामन्यामध्ये पंच म्हणून मंगेश ढवळे, ऋषी अमरे व भाई गाडगीळ यांनी जबाबदारी सांभाळली तर समालोचन रमेश चव्हाण, नरेंद्र कामतेकर व लांजेकर यांनी केले. स्पर्धेला अपूर्वा सामंत, प्रकाश कुवळेकर, अनिल भुवड, जितेंद्र खामकर, नगरसेवक दिलीप चव्हाण, साफिया काझी,सौरभ पेणकर, सौ प्रेरणा नार्वेकर, सुयोगा जठार तसेच महेश नकाशे आदींनी शुभेच्छा दिल्या.