*धामणंद सुतार वाडी येथे विराट विश्वकर्मा जयंती उत्सव मोठया उत्सहात साजरा*
खेड(प्रतिनिधी):-तालुक्यातील गाव धामणंद सुतार वाडी येथे सालाबादप्रमाणे श्री विराट विश्वकर्मा जयंती उत्सव दि. 31 जानेवारी 2026 रोजी सर्व समाज बांधव, भाविक यांच्या उपस्थितीत आणि भक्तीमय वातावरणात संपन्न झाला. या कार्यक्रमाचे नियोजन समस्त श्री विश्वकर्मा नवतरुण मित्र मंडळ धमाणंद सुतारवाडी मुंबई - पुणे  आणि ग्रामीण ग्रामस्थ यांच्या माध्यमातून झाले. या कार्यक्रमासाठी 15 गावातील अनेक मान्यवर, वरिष्ठ मंडळींनी उपस्थिती दाखवली. तसेच महिलांचे हळदीकुंकू हा कार्यक्रम ही मोठ्या आनंदात हर्ष उल्हासात पार पडला. अनेक महिलांची या कार्यक्रमांला उपस्थिती होती. विठ्ठल प्रसादिक भजन मंडळ कुरवळ खेड यांचा हरिपाठ होता. मृदुंगमणी दत्ताराम सुतार आणि रुपेश सुतार होते. कीर्तनकार ह.भ.प संतोष महाराज बने कल्याण यांची कीर्तनरुपी सेवा झाली. असा हा कार्यक्रम आनंदात आणि उत्साहात साजरा झाला.