*खांडपाले फाटा येथे सिग्नल यंत्रणा बसवल्याने अपघाताचे प्रमाण कमी होईल-जनआक्रोश समिती पदाधिकारी संतोष शिंदे*
रायगड(प्रतिनिधी):-मुंबई–गोवा महामार्गावरील अनेक चुकीच्या व अपूर्ण कामांमुळे सातत्याने अपघात घडत आहेत. लोणेरे उड्डाणपूल 100% क्षमतेने सुरू झाल्यानंतर विशेषत पहेल खांडपाले फाटा येथे अपघातांचे प्रमाण वाढले आहे. या ठिकाणी योग्य वाहतूक नियोजन व स्पष्ट संकेत नसल्याने वाहनचालक संभ्रमात पडत असून जीवितहानीचा धोका वाढत आहे.
या गंभीर परिस्थितीची दखल घेत जनआक्रोश समितीचे पदाधिकारी संतोष शिंदे यांनी आज स्वतः पुढाकार घेऊन पहेल खांडपाले फाटा येथे ठेकेदारामार्फत सिग्नल बसवून घेतला. त्यामुळे वाहनचालकांना येथे क्रॉसिंग असल्याची स्पष्ट कल्पना येईल व भविष्यातील अपघात टाळण्यास मोठी मदत होईल.
प्रशासन जिथे अपयशी ठरत आहे, तिथे जबाबदार नागरिक पुढे येत असल्याचे  संतोष शिंदे हे जिवंत उदाहरण आहे.
कर्तव्यदक्ष व जबाबदार नागरिक व कोकणवासीय श्री संतोष शिंदें. यांच्यासारख्या जागरूक आणि धाडसी नागरिकांमुळेच मुंबई–गोवा महामार्गासाठीचा हा लढा यापुढेही सुरू राहील असा विश्वास मुंबई गोवा महामार्ग जनआक्रोश समितीने व्यक्त केला आहे.