*के. आर. पब्लिक स्कूलच्या रेनबो प्लेगृप व शिशुकुंज विभागाच्या वार्षिक महोत्सव संपन्न*
नंदुरबार(प्रतिनिधी):-श्री स्वामी समर्थ विद्यानिकेतन संचलित के. आर. पब्लिक स्कूल नंदुरबार स्कूल येथे वार्षिक महोत्सव   संपन्न झाला. या कार्यक्रमासाठी  प्रमुख अतिथी  संचालक अशोक शहा, उपस्थ‍ित होते.  कार्यक्रमाचे अध्यक्ष  किशोर वाणी, नंदुरबार शहरातील पोलीस अधिक्षक श्रवण दत्त अतिथी म्हणून उपस्थ‍ित होते, तसेच अतिथी शाळेचे व्हा. चेअरमन सिध्दार्थ वाणी, अतिथी संचालक सौ. केतकी वाणी, अतिथी प्राचार्या डॉ. छाया शर्मा यांनी द्विप प्रज्वलन  केले तसेच माता सरस्वतीच्या प्रतिमेचे पूजन करुन कार्यक्रमास सुरुवात करण्यात आली. या कार्यक्रमात  जवळ -जवळ 300 विद्यार्थ्यांनी सहभाग घेतला.
या वार्षिक महोत्सवात चिमुकल्यां विद्यार्थ्यांनी नृत्य, गीत, नाटय छटा व सांस्कृतिक कार्यक्रम सादर करुन उपस्थितांची मने जिंकली. बाल कलाकरांच्या कलागुणांना प्रोत्साहन देण्यासाठी शाळेकडुन विविध कार्यक्रमांचे आयोजन केलेले असते. या चिमुकल्यांचे कौतुक करण्यासाठी पालकवर्ग मोठया संस्थेने उपस्थित होते. सादरीकरण बघुन त्यांच्या  टाळयांच्या गडगडाटाने नाटयमंदिर गुंजुन उठले होते. तसेच विविध स्पर्धा परिक्षेत प्रथम आलेल्या विद्यार्थ्यांना प्रमाणपत्र देऊन गौरविण्यात आले. कार्यक्रमाच्या शेवटी शाळेच्या प्राचार्या डॉ. छाया शर्मा यांनी विद्यार्थ्यांचे कौतुक करीत शाळेविषयी यांची सखोल माहिती  दिली. चेअरमन किशोर वाणी यांनी सर्व विद्यार्थ्यांचे कौतुक व त्यांना प्रोत्साहित केले.