*वाटूळ प्रशालेचे आशिष गोबरे व शुभ्रा खांबे आदर्श विद्यार्थी पुरस्कारांने सन्मानित*
वाटूळ(प्रतिनिधी):-राजापूर तालुक्यातील आदर्श विद्यामंदिर व कनिष्ठ महाविद्यालय वाटुळ प्रशालेतील शैक्षणिक वर्ष 2025 - 26चे आदर्श पुरस्कारांचे वितरण प्रजासत्ताक दिनी करण्यात आले. विद्या विकास मंडळ मुंबईचे दिवंगत उपाध्यक्ष ह. भ. प. सुभाष विठ्ठल चव्हाण यांच्या स्मरणार्थ शाळेचा माजी विद्यार्थी विराज विलास चव्हाण यांच्या संकल्पनेतून 2016 पासून सदर पुरस्कारांचा प्रारंभ झाला. मागील दहा वर्ष शाळेतील गुणवंत विद्यार्थ्यांना मुलांमधून एक व मुलींमधून एक असे दोन पुरस्कार देण्यात येतात, वर्षभर मुलाने केलेल्या वर्तनाचे परीक्षण करून प्रजासत्ताक दिनी पुरस्कारांचे वितरण केले जाते. यावर्षी इयत्ता दहावी मधील आशिष अनिल गोबरे याला मुलांमधून तर शुभ्रा प्रसन्न खांबे हिला मुलींमधून पुरस्कार देण्यात आला यावेळी विद्या विकास मंडळाचे अध्यक्ष विश्वास चव्हाण, सामाजिक कार्यकर्ते सुहास चव्हाण, व्यवस्थापन समितीच्या अध्यक्षा वर्षा चव्हाण, माजी संचालक गणपत वळंजू, शालेय समिती सदस्य नारायण चव्हाण, बाळकृष्ण वळंजू, माजी विद्यार्थी संतोष (बंदू ) चव्हाण, प्रसन्न खांबे, कैलास चव्हाण, मंदार पांचाळ, विराज हांदे, रसिक पेणकर ग्रामपंचायत सदस्य प्रियांका भुर्के,  ओमकार चव्हाण, पालक शिक्षक संघटनेच्या उर्मिला यादव व ग्रामस्थ उपस्थित होते.