*कै.सौ. इंदुबाई बाबुगिरी गोसावी सार्वजनिक वाचनालय व ग्रंथालय,नंदुरबार यांच्यावतीने स्वामी विवेकानंद जयंतीनिमित्त आयोजित व्याख्यानमाला,प्रश्नमंजुषा व वाचक मेळावा*
नंदुरबार(प्रतिनिधी):-कै.सौ. इंदुबाई बाबुगिरी गोसावी सार्वजनिक वाचनालय व ग्रंथालय, नंदुरबार यांच्या वतीने स्वामी विवेकानंद जयंतीनिमित्त आयोजित व्याख्यानमाला, प्रश्नमंजुषा व वाचक मेळावा हे सर्व उपक्रम मोठ्या उत्साहात व शिस्तबद्ध वातावरणात पार पडले. 11 जानेवारी 2026 रोजी आयोजित व्याख्यानमालेचे उद्घाटन नगरसेवक राऊ मोरे  यांच्या हस्ते झाले. कार्यक्रमाच्या अध्यक्षस्थानी प्रा. डॉ. नरेंद्र गोसावी हे होते. सूत्रसंचालन डॉ. दिनेश देवरे यांनी केले तर प्रारंभिक भाषण रूपाली पाटील (ग्रंथपाल) यांनी केले. याप्रसंगी डॉ. उमेश शिंदे यांनी स्वामी विवेकानंद यांचे जीवनकार्य, विचारधारा व युवकांसाठी त्यांचे प्रेरणादायी संदेश यावर सखोल मार्गदर्शन केले. प्रमुख पाहुणे म्हणून डॉ. दत्ता परदेशी, प्रा. डॉ. संजय शिंदे, राकेश कलाल, अॅड. प्रविण पाटील, व डॉ. राहुलकुमार महिरे उपस्थित होते.
कार्यक्रमात माध्यमिक गटासाठी प्रश्नमंजुषेचे आयोजन करण्यात आले होते. तसेच ‘सोनेरी जगात’ या विषयावर विद्यार्थ्यांनी सादर केलेल्या आभार प्रदर्शनास उपस्थितांची दाद मिळाली. 12 जानेवारी 2026 रोजी वाचन केळवाचा समारोप कार्यक्रम पार पडला. कार्यक्रमाच्या अध्यक्षस्थानी बि डी. गोसावी होते तर उद्घाटन सुनील मेहता यांच्या हस्ते करण्यात आले. प्रमुख पाहुणे म्हणून सचिन गोसावी व सौ. संगीता लखोटीया उपस्थित होते. ज्येष्ठ साहित्यिक निबाजीराव बागुल यांनी वाचनसंस्कृती जपण्याचे महत्त्व विशद केले.
कार्यक्रमाच्या यशस्वी आयोजनासाठी रूपाली पाटील व प्रा. डॉ. नरेंद्र गोसावी यांनी विशेष परिश्रम घेतले. कार्यक्रमास नागरिक, विद्यार्थी व वाचकांनी मोठ्या संख्येने उपस्थिती लावली.