*आर.आर.(आबा) पाटील सुंदर गाव स्पर्धेत कळसवली ग्रामपंचायत जिल्ह्यात प्रथम*
राजापूर(प्रतिनिधी):-आर.आर.(आबा) पाटील सुंदर गाव स्पर्धेत  तालुक्यातील कळसवली ग्रामपंचायतीला जिल्हास्तरीय प्रथम क्रमांक मिळाला आहे. ग्राम विकास विभागाकडील शासन निर्णय क्र. स्माग्रायो 2015/प्र. क्र 151 अ/योजना 1 दि. 21 नोव्हेंबर 2016 अन्वये स्मार्ट योजना सुरू करणेबाबत सूचना देण्यात आल्या होत्या त्याअनुषंगाने जिल्हास्तरीय तपासणी समिती गठीत करण्यात आली होती. तालुकास्तरीय देखरेख समितीकडून प्राप्त झालेल्या गुणांकनानुसार तसेच जिल्हास्तरीय समितीने केलेल्या पुनर्मूल्यांकनानुसार  ग्रामपंचायत कळसवलीने सर्वाधिक गुण मिळवत रत्नागिरी जिल्हास्तरावर प्रथम क्रमांक पटकावला आहे. या उल्लेखनीय यशासाठी ग्रामपंचायत अधिकारी सौ. सोनाली, विद्यमान सरपंच देवेश तळेकर, उपसरपंच ग्रामपंचायत सदस्य बचत गट महिला,  कर्मचारी तसेच गावातील सर्व ग्रामस्थ यांचे सर्वत्र अभिनंदन होत आहे गावातील सर्वांनी एकत्रित येऊन प्रयत्न केल्याने ग्रामपंचायतीने ही असाध्य कामगिरी साध्य केली आहे.