*शताब्दी इंस्टिट्यूट ऑफ फार्मसीमध्ये महापरिनिर्वाण दिनानिमित्त अभिवादन*
नंदुरबार(प्रतिनिधी):–शताब्दी इंस्टिट्यूट ऑफ फार्मसी येथे 6 डिसेंबर 2025 रोजी महापरिनिर्वाण दिनानिमित्त भारतरत्न डॉ. बाबासाहेब आंबेडकर यांना अभिवादन करून कार्यक्रम साजरा करण्यात आला. कार्यक्रमाची सुरुवात डॉ. आंबेडकर यांच्या प्रतिमेस पुष्पांजली अर्पण करून करण्यात आली. या प्रसंगी महाविद्यालयाचे प्राचार्य डॉ. पंकज एम. चौधरी यांनी बाबासाहेब आंबेडकर यांच्या विचारांचा व सामाजिक परिवर्तनातील कार्याचा उल्लेख करत विद्यार्थ्यांना प्रेरणादायी मार्गदर्शन केले.
कार्यक्रमाचे नियोजन सांस्कृतिक विभागाचे प्रमुख प्रा. कल्याणी चौधरी, प्रा. जागृती शेवाळे, प्रा. भावना वसावे, प्रा. पूजा गायकवाड, प्रा. तस्विता मगरे, प्रा. श्रद्धा पटेल, प्रा. भूषण गोपाल व प्रा. वसंत चव्हाण यांनी केले. कार्यक्रमाचे  सूत्रसंचालन रोहिणी पाटील यांनी केले. विद्यार्थ्यांनी महापरिनिर्वाण दिनाचे महत्त्व अधोरेखित करणारी मनोगते व भाषणे सादर केली.
या उपक्रमात महाविद्यालयाचे, शिक्षकेतर कर्मचारी व विद्यार्थी मोठ्या संख्येने उपस्थित होते, तसेच सर्वांच्या उपस्थितीमुळे कार्यक्रमाला उत्साहपूर्ण वातावरण लाभले.
संस्थेच्या अध्यक्षा योगिता गणेश पाटील आणि सचिव गणेश गोविंद पाटील यांनी कार्यक्रमातील शिस्तबद्ध आयोजन आणि विद्यार्थ्यांच्या सहभागाचे कौतुक केले.