*देव दिवाळीच्या निमित्ताने राजापूर तालुक्यातील खिणगिनी जि.प.शाळेत कोकण कट्टाचे शैक्षणिक साहित्य वाटप*
राजापूर(प्रतिनिधी):-देव दिवाळीचे औचित्य साधून तालुक्यातील खिणगिनी गावातील जिल्हा परिषद शाळेत वात्सल्य ट्रस्टच्या सहकार्याने विलेपार्ले कोकण कट्टा मुंबईच्या माध्यमातून शाळेतील सर्व विद्यार्थ्यांना शैक्षणिक साहित्याचे वाटप केले कोकण कट्टा सदस्य सचिन दिवाळे यांनी या कार्यक्रमाचे आयोजन केले होते. शालेय शिक्षक घाडीगावकर यांनी उपस्थितांचे स्वागत केले गावातील पोलीस पाटील अशोक डोंगरकर आणि मान्यवर मुंबई मंडळाचे माजी अध्यक्ष सुभाष चिपटे, बनाजी डोंगरकर शाळेचे व्यवस्थापक मनोज कदम, सुनिल दिवाळे, सुनिल डोंगरकर यांच्या हस्ते मुलांना वाटप करण्यात आले. शाळा व शाळा व्यवस्थापन समितीच्या वतीने कोकण कट्टा व वात्सल्य ट्रस्टचे खूप खूप आभार मानले आपल्या सेवाभवी संस्थाचे ऋणानुबंध कायम राहू देत व आमच्या शाळेतील विद्यार्थ्यांच्या शिक्षणात  व शाळेच्या प्रगतीमध्ये आपले मोलाचे असे योगदान मिळू दे हीच सदिच्छा असे मत सर्व ग्रामस्थ पदाधिकार्यानी आभार प्रदर्शन प्रसंगी बोलून दाखवले.