*वनवासी विद्यालय चिंचपाडा येथे क्रांतीसुर्य बिरसा मुंडा जयंती उत्साहात साजरी*
नवापूर(प्रतिनिधी):-चिंचपाडा येथील पश्चिम खांदेश भिल्ल सेवा मंडळ, नंदुरबार संचलित वनवासी विद्यालय व एस. सी. चव्हाण कनिष्ठ महाविद्यालय, चिंचपाडा ता.नवापूर येथे 15 नोव्हेंबर 2025 रोजी क्रांतीसुर्य बिरसा मुंडा यांच्या जयंतीनिमित्त राष्ट्रीय जनजाती गौरव दिन मोठ्या उत्साहात साजरा करण्यात आला. क्रांतीसुर्य बिरसा मुंडा यांच्या प्रतिमेचे पूजन शाळेचे पर्यवेक्षक प्रेमल पाडवी यांच्या हस्ते करण्यात आले. कार्यक्रमाचे अध्यक्ष पर्यवेक्षक प्रेमल पाडवी यांनी क्रांतीसुर्य बिरसा मुंडा यांनी इंग्रजांच्या विरोधात कशा पद्धतीने बंड केला याविषयी माहिती दिली. शाळेचे शिक्षक प्रमुख वक्ते अशोक पाडवी यांनी जननायक बिरसा मुंडा यांच्या जीवनाकार्याबद्दल महत्वपूर्ण माहिती देत, त्यांच्या जीवन संघर्षाविषयी सुंदर गीत सादर केले. श्री कांतीलाल वसावे यांनी आदिवासी समाजावर होणारा अन्याय दूर करण्यासाठी बिरसा मुंडा यांनी केलेला संघर्ष, स्वीकारलेले असिधाराव्रत याबद्दल सुंदर विचार मांडलेत. कार्यक्रमाचे सूत्रसंचालन धनंजय कुलकर्णी यांनी केले. व आभार  प्रदर्शन प्रदीप देसले यांनी केले. कार्यक्रमाचे नियोजन सांस्कृतिक समितीचे अध्यक्ष संदीप महाले व सर्व सदस्य यांनी केले.   कार्यक्रमाच्या यशस्वीतेसाठी  राजेश गायकवाड, राजू गावित, भारत झाटे, पुनम चव्हाण सर्व शिक्षक, शिक्षकेतर कर्मचारी व विद्यार्थ्यांचे सहकार्य लाभले.