*चिचपाडा वनवासी  विद्यालयातील शिक्षक, धनंजय कुलकर्णी यांना रोटरी क्लबतर्फे शिक्षक उत्कृष्ट नेशन बिल्डर पुरस्कार*
नंदुरबार(प्रतिनिधी):-वनवासी विद्यालयाचे धनंजय कुलकर्णी यांचा सन्मान नवापूर तालुक्यातील चिंचपाडा येथील वनवासी विद्यालयाचे उपक्रमशील शिक्षक धनंजय कुलकर्णी यांना रोटरी क्लब नंदुरबार तर्फे  शिक्षक उत्कृष्टता, नेशन बिल्डर पुरस्काराने गौरविण्यात आले. या अनुषंगाने धनंजय कुलकर्णी यांचा वनवासी विद्यालयात एका विशेष समारंभात विद्यालयाचे मुख्याध्यापक प्रमोद चिंचोले, पर्यवेक्षक प्रेमल पाडवी,  वनवासी प्राथमिक मुख्याध्यापक लक्ष्मण गावित व सर्व कर्मचारी यांच्या उपस्थितीत सन्मान करण्यात आला. हा पुरस्कार शिक्षकांचे समर्पण, विद्यार्थ्यांप्रति त्यांची बांधिलकी, सेवाभाव, समाजकार्य यांच्या निकषांवर रोटरी क्लब ऑफ नंदुरबारतर्फे धनंजय कुलकर्णी यांची या पुरस्कारासाठी निवड करण्यात आली. याप्रसंगी प्राचार्य प्रमोद चिंचोले, प्रा विकास सपकाळे अशोक पाडवी, प्रदीप देसले, सुवर्णा चौधरी, शैलजा कापडिया, विजया न्हायदे, यांनी पुरस्कार प्राप्त शिक्षक धनंजय कुलकर्णी  यांच्या विषयी मनोगत व्यक्त केले. एका आदिवासी व ग्रामीण भागातील शिक्षकाला मिळालेल्या पुरस्काराचे संस्थेचे अध्यक्ष सुहास नटावदकर यांनी देखील कौतुक केले. कार्यक्रमाचे सूत्रसंचलन कांतीलाल वसावे  यांनी केले.  प्राध्यापक शुभम परदेशी यांनी कार्यक्रमाचे नियोजन केले. याप्रसंगी कनिष्ठ विद्यालय प्रमुख आर डी सोनवणे, ज्येष्ठ शिक्षक राजन गायकवाड व सर्व शिक्षक बंधू भगिनी, शिक्षकेतर कर्मचारी उपस्थित होते.
तसेच बहुभाषिक ब्राह्मण महासंघाच्या वतीने गुणगौरव समारंभात सहाय्यक जिल्हाधिकारी मा धनंजय गोगटे साहेब व प्रशिक्षणार्थी जिल्हाधिकारी शिवांश सिंह यांच्या हस्ते देखील धनंजय कुलकर्णी यांचा सत्कार करण्यात आला. यावेळी महासंघाचे अध्यक्ष अनिल शर्मा, उदय जोशी, जानकी पाठशाळेचे मधुकर जोशी, निवृत्त प्राचार्य पी एन देशपांडे, सचिव राजेंद्र कुलकर्णी, कार्यकारणी सदस्य व समाज बांधव मोठ्या संख्येने  उपस्थित होते.