*शताब्दी इन्स्टिट्यूट ऑफ फार्मसी, बामदोड, नंदुरबार येथे राष्ट्रीय फार्माकोव्हिजिलन्स सप्ताहाचे उद्घाटन व ई-क्विझ स्पर्धा संपन्न*
नंदुरबार(प्रतिनिधी):-शताब्दी इन्स्टिट्यूट ऑफ फार्मसी, बामदोड, नंदुरबार येथे 17 सप्टेंबर 2025 रोजी "राष्ट्रीय फार्माकोव्हिजिलन्स सप्ताह" (National Pharmacovigilance Week) चे औपचारिक उद्घाटन करण्यात आले. या कार्यक्रमाचे आयोजन फार्मास्युटिकल्स क्षेत्रातील विद्यार्थ्यांमध्ये औषधांच्या सुरक्षित वापरासंदर्भातील जनजागृती वाढविण्यासाठी करण्यात आले.
कार्यक्रमाची सुरुवात दीपप्रज्वलन व सरस्वती पूजनाने करण्यात आली. महाविद्यालयाचे प्राचार्य 6डॉ. पंकज चौधरी यांनी उद्घाटन केले. त्यांनी आपल्या भाषणात फार्माकोव्हिजिलन्स म्हणजे काय, त्याचे औषध सुरक्षा व्यवस्थेमधील महत्त्व, आणि या क्षेत्रातील भविष्यातील संधी यावर सखोल माहिती दिली. "फार्माकोव्हिजिलन्स हे औषधांच्या दुष्परिणामांविषयी जागरूकता निर्माण करणारे महत्त्वाचे माध्यम आहे. विद्यार्थ्यांनी याचे गांभीर्य ओळखून जबाबदारीने यामध्ये सहभाग घ्यावा."
या सप्ताहाची सुरुवात ई-क्विझ स्पर्धेने करण्यात आली. ही स्पर्धा Google Forms च्या माध्यमातून घेण्यात आली. विद्यार्थ्यांनी उत्स्फूर्तपणे सहभाग घेतला आणि फार्माकोव्हिजिलन्सशी संबंधित विविध विषयांवरील आपले ज्ञान दाखवले. स्पर्धेच्या यशस्वी विद्यार्थ्यांना सन्मानचिन्ह व प्रमाणपत्र देऊन गौरविण्यात येणार आहे.
कार्यक्रमाचे नियोजन प्रा. वसंत चव्हाण, प्रा. भावना वसावे व कार्यक्रमाचे सूत्रसंचालन प्रा. हेमलता वाडिले यांनी केले. तसेच सांस्कृतिक विभागाचे प्रमुख, प्रा. जागृती शेवाळे, प्रा. भूषण गोपाळ, प्रा. कल्याणी चौधरी, प्रा. पूजा गायकवाड, प्रा. रोहिणी पाटील, प्रा. रोहित सोनावणे यांनी केले. यांच्या मार्गदर्शनाखाली करण्यात आले. कार्यक्रमास महाविद्यालयातील सर्व प्राध्यापक, कर्मचारी व विद्यार्थी मोठ्या संख्येने उपस्थित होते.