*नवीन शैक्षणिक धोरणानुसार शिक्षण प्रकल्पाच्या माध्यमातून विद्यार्थ्यांचा आत्मविश्वास वाढवा-कुलगुरू डॉ. शरद गडाख*
नंदुरबार(प्रतिनिधी):-नवीन शैक्षणिक धोरणानुसार विद्यार्थ्यांना प्रात्यक्षिक आधारित ज्ञानाद्वारे अनुभव आधारित शिक्षण प्रकल्पाच्या माध्यमातून विद्यार्थ्यांचा आत्मविश्वास वाढवा, महाविद्यालयात उच्च पदस्थ अधिकारी, व्याख्याते याचे विद्यार्थ्यांना मार्गदर्शन द्या व विद्यार्थ्यांची गुणवत्ता वाढवा असे प्रतिपादन  महात्मा फुले कृषी विद्यापीठ, राहुरीचे कुलगुरू डॉ. शरद गडाख यांनी महाविद्यालयाच्या आढावा सभेत केले.
यावेळी व्यासपीठावर महाविद्यालयाचे सहयोगी अधिष्ठाता डॉ यु बी. होले  उपस्थित होते.
डॉ. गडाख पुढे म्हणाले कि नवीन शैक्षणिक धोरणानुसार महाविद्यालयात विद्यार्थांची क्षमता ओळखून सुरवातीपासूनच विद्यार्थ्यांचे चार मंच तयार करा व विद्यार्थ्यांना स्पर्धा परीक्षा, उद्योजक, उच्च तंत्रज्ञान आधारित शेती व परदेशातील नोकरीच्या विविध संधी बाबत माहिती उपलब्ध करून द्या अशा सूचना उपस्थितांना दिल्या. ते पुढे म्हणाले कि विद्यार्थ्यांसाठी व्यावसायिक तत्वावर अनुभव आधारित शिक्षण प्रकल्प तयार करा व फिरता निधी द्वारे कृषी विद्यापीठाचे महसुली उत्पादन वाढवा, बह्याश्रोत निधीसाठी प्रस्ताव तयार करून निधी मिळवा याद्वारे कृषी विद्यापीठे आत्मनिर्भर होणेसाठी मदत होईल. कमवा व व शिका या तत्वावर महाविद्यालयातील गरीब विद्यार्थ्यांना रोजगार उपलबद्ध करून द्या. दर वर्षी कृषी महाविद्यालयात खरीप व रब्बी हंगामात जिल्ह्यातील शेतक-र्यांना व विद्यार्थांच्या पालकांना निमंत्रित करून प्रक्षेत्र दिवस साजरा करा. या माध्यमातून कृषी विद्यापीठाचे नवीन तंत्रज्ञान आदिवासी पाड्यापर्यंत पोहचवा असे प्रतिपादन केले.             
विविध विभाग व प्रक्षेत्रात भेट. या दरम्यान डॉ गडाख यांनी महाविद्यालाच्या विविध विभागांना व प्रक्षेत्रावर प्रत्यक्ष भेट देवून मार्गदर्शन केले. यावेळी ग्रंथालयास भेट दिली त्यात त्यांनी सकाळ समूहाचा ॲग्रोवन पेपरचे वाचना वाचन केले. त्यांनी प्रगतीविषयी समाधान व्यक्त केले. यावेळी डॉ. यु. बी. होले यांनी महाविद्यालयाचे मागील पाच वर्षाचे शैक्षणिक, प्रक्षेत्र, आस्थापना, राबविण्यात येणारे विवीध प्रकल्प, इत्यादी कामाचे प्रगतीविषयी सादरीकरणाद्वारे माहिती दिली. याप्रसंगी महविद्यालयातील सर्व प्राध्यापक, अधिकारी व कर्मचारी उपस्थित होते या कार्यक्रमाचे सूत्रसंचालन प्रा. संदीप राजपूत यांनी केले प्रा. दिनेश सूर्यवंशी यांनी प्रमुख पाहुण्याचा परिचय करून दिला तर आभार डॉ. प्रेमसिंग गिरासे यांनी मानले.