*अक्कलकुवा येथील प्रा. आशिष वसावे यांना पीएच.डी.पदवी आदिवासी विद्यार्थ्यांच्या भाषिक विकासावर महत्त्वपूर्ण संशोधन*
अक्कलकुवा(प्रतिनिधी):- कवियत्री बहिणाबाई चौधरी उत्तर महाराष्ट्र विद्यापीठ, जळगाव सलग्नित जामिया शिक्षणशास्त्र महाविद्यालय, अक्कलकुवा येथील प्रा. आशिष गुलाबसिंग वसावे यांनी शिक्षणशास्त्र विषयात Doctor of Philosophy (Ph.D.) ही सर्वोच्च शैक्षणिक पदवी संपादन करून नंदुरबार जिल्ह्यासाठी गौरवाची बाब घडवली आहे. प्रा. डॉ. आशिष वसावे यांनी पीएच.डी. करिता जिजामाता शिक्षणशास्त्र महाविद्यालयाचे प्राचार्य डॉ. संजय एस. शिंदे यांच्या मार्गदर्शनात आदिवासी विद्यार्थ्यांच्या मराठी भाषिक कौशल्यांवर सखोल संशोधन केले. त्यांचे संशोधन आदिवासी भागाच्या शैक्षणिक प्रगती सोबत सामाजिक समरसतेसाठीही मार्गदर्शक ठरणारे आहे. त्यांनी आपल्या यशाचे श्रेय जामिया शिक्षण संकुलचे अध्यक्ष मौलाना हूझैफा वस्तानवी, उपाध्यक्ष मौलाना उवेस वस्तानवी, प्रस्तावित जी.एम. वस्तानवी विद्यापीठाचे कुलगुरू डॉ. अकील सैय्यद, जामिया शिक्षण संकुलातील सर्व महाविद्यालयाचे प्राचार्य, गुलाबसिंग वसावे, श्रीमती आलेजा वसावे, पत्नी सौ. मनीषा वसावे, श्रीमती सपना वसावे, अंकुश वसावे, अश्विन वसावे, वरिष्ठ विज्ञान महाविद्यालय अक्कलकुवा येथील प्राध्यापक व मित्र परिवाराला दिले. त्यांच्या या यशस्वी वाटचालीबद्दल शैक्षणिक व सामाजिक क्षेत्रात कौतुकाचा वर्षाव होत आहे.