*पेसा शिक्षक भरतीत पात्र यादीतील 26 उमेदवारांना नियुक्तीपत्र द्या-बिरसा फायटर्सची मागणी*
नंदूरबार(प्रतिनिधी):-शिक्षक अभियोग्यता व बुद्धिमत्ता चाचणी 2022 नुसार पेसा क्षेत्रातील सन 2023 - 24 मधील CTET उर्तीर्ण 26  उमेदवारांना तात्पुरत्या स्वरूपातील नियुक्त्या द्या, अशी मागणी बिरसा फायटर्स नंदूरबार संघटनेकडून मुख्य कार्यकारी अधिकारी जिल्हा परिषद नंदूरबार यांच्याकडे एका निवेदनाद्वारे करण्यात आली आहे. शासन निर्णयानुसार  राज्यातील पेसा क्षेत्रातील अनुसूचित जमाती प्रवर्गातील रिक्त पदे भरण्यासाठी उपाययोजना करण्याचे निर्देश प्राप्त झाले आहेत. तरी शिक्षक अभियोग्यता व बुद्धिमत्ता चाचणी 2022 नुसार पेसा क्षेत्रातील उमेदवारांना सर्वोच्च न्यायालयाच्या पेसा आदेशानुसार शिक्षण सेवक म्हणून नियुक्ती देण्यात यावी. असे निर्देश असून त्या संबधी जिल्हा परिषद नंदुरबार यांनी दिनांक 19 जुलै 2024 रोजी पत्र निर्गमित करून दिनांक 20 ऑगस्ट 2024 रोजी पात्रता यादी प्रसिद्ध झाली. त्यापैकी 93 आणि 126 उमेदवारांना यापूर्वीच नियुक्ती पत्र देण्यात आले आहेत. महाराष्ट्र शासनाच्या पेसा कंत्राटी शिक्षक भरती 7 जुलै 2024 च्या जहिराती चा अनुषंगाने जिल्हा परिषद नंदुरबार यांनी 268 पदासाठी निवड व पात्र उमेदवारांची यादी जाहीर केली त्या यादीत आमचे 26 उमेदवारांची नावे सुद्धा आलेली आहेत. परंतु आमची भरती करण्यात आली नाही. आम्ही यादीतील 26 उमेदवारांनी 2022 ची TAIT परीक्षा दिलेली आहे. तसेच पदवी परीक्षा उतीर्ण होण्यापूर्वी दिलेली आहे. तसेच सन 2022 व त्यापूर्वी डी. एड. व बी.एड. पदवी उतीर्ण झालेले असून केंद्राची पात्रता परीक्षा CTET परीक्षा 2023-24 ही पेसा कंत्राटी शिक्षक भरती जाहिरातीच्या आधी उतीर्ण झालेले आहेत. CTET परीक्षा 2023-24 मध्ये उतीर्ण झाले. या कारणास्तव आमची शिक्षक सेवक म्हणून भरती झाली नाही. आमची 26 उमेदवारांची शिक्षक भरती साठीची पात्रता बेरोजागाची व हलाखीची परिस्थिती आणि वायोमर्यदा पार होण्याची स्थितीचा विचार करून आम्हा 26 उमेदवारांना या पेसा कंत्राटी शिक्षक भरतीमध्ये समावेश करून घ्यावे. अशी मागणी बिरसा फायटर्स नंदूरबार संघटनेकडून जिल्हा परिषद नंदूरबार प्रशासनाकडे केली आहे.