*जि.प. पू. प्रा. केंद्र शाळा ओझर नं 1 मध्ये मंत्रिमंडळ निवडणूक उत्साहात संपन्न*
राजापूर(प्रतिनिधी):-जिल्हा परिषद पूर्ण प्राथमिक केंद्रशाळा ओझर नं.1 मध्ये शालेय मंत्रिमंडळ निवडणूक चुरशीच्या वातावरणात संपन्न झाली. लोकशाही पद्धतीने निवडणूक कार्यवाही करण्यात आली. उमेदवार अर्ज दाखल करणे व डिपॉजिट जमा करणे, अर्ज छाननी करणे, अर्ज मागे घेणे, प्रचार कार्यक्रम राबविणे व प्रत्यक्ष मत  पत्रिकेद्वारे मतदान करणे. या सर्व गोष्टी अगदी उत्साहाच्या वातावरणात पार पडल्या. दि. 16 जून पासून सुरु झालेली रणधुमाळी 25 जूनला संपली. मुख्यमंत्री, सांस्कृतिक मंत्री, आरोग्य मंत्री, पाणी व स्वच्छता मंत्री, धान्य व भोजन मंत्री, क्रीडा मंत्री, वाचनालय मंत्री, टोल मंत्री अश्या विविध खात्यासाठी निवडणूक प्रक्रिया राबविण्यात आली. यामध्ये कु. पूर्वी गोसावी (मुख्यमंत्री), कु. दुर्वा गुरव (उपमुख्यमंत्री), कु. प्रेम हातणकर (सांस्कृतिक मंत्री), कु. कोमल पळसमकर (आरोग्य मंत्री), कु. भूषण रेगे (धान्य व भोजन मंत्री), कु. स्वरूप ओझरकर (वाचनालय मंत्री), कु. सान्वी गुरव (क्रीडा मंत्री), कु. कार्तिक रांबाडे (टोल मंत्री), कु. पारस कुर्ले (पाणी व स्वच्छता मंत्री) यांनी बाजी मारली. या सर्व मंत्र्यांना दि. 26 जून लोकराजा छत्रपती शाहू महाराज यांची जयंती अर्थात सामाजिक न्याय दिनादिवशी मंत्रिपदाची शपथ देण्यात आली. रामचंद्र मोरे यांनी निवडणूक निर्णय अधिकारी म्हणून कार्य पार पाडले तर शैलेंद्र बंदसोडे, संजय चौगले, दत्ता गायकवाड यांनी मतदान अधिकारी ही भूमिका पार पाडली.