*कुसुंबा येथे दाेन हजार प्राचीन प्राकृत ग्रंथांची पालखी*
कुसुंबा(प्रतिनिधी):-धुळे तालुक्यातील कुसुंबा येथे 31 मे शनिवार राेजी  सकल जैन समाज बांधवांच्या उपस्थितीत श्रुतपंचमी अर्थात प्राकृत दिवस विविध धार्मिक कार्यक्रमांनी साजरा करण्यात आला. जैन संप्रदायातील महान ग्रंथ धवला माधवला  षटखंडागम ग्रंथ हे याच दिवशी पुष्पदंत मुनिश्री व भुतबली मुनिश्री यांच्यामार्फत प्राकृत भाषेत दाेन हजार वर्षांपूर्वी गुजरात मधील अंकलेश्वर नगरात शब्दबद्ध लिपीबद्दल झाला होता. हा दिवस म्हणजे 'श्रुतपंचमी' दिवस म्हणून साजरा केला जातो. हा ग्रंथ प्राकृत भाषेत असल्याने जैन समाज प्राकृत दिवस साजरा करीत असतात. या दिवशी ग्रंथाची पूजा अर्चा करून पालखी काढतात. संस्कृतीचा आधार असलेल्या शास्त्र ग्रंथांच्या संरक्षण संवर्धन व्हावे, हा त्यांचा उद्देश आहे. कुसुंब्यातील प्राचीन जैन मंदिरात प्राचीन शास्त्र ग्रंथ एका मंचावर ठेवण्यात आले हाेते. श्रावक श्राविकांनी ग्रंथ शास्त्रांची भक्ती भावाने पूजा केली. सकाळी अभिषेक पूजन व शांतीधारा केली. विश्वशांतीसाठी व सुख-समृद्धीसाठी विश्वसभा (शांतिमंत्र) द्वारे भगवंतावर शांतीधारा करण्यात आली. पूजा अभिषेकानंतर पालखीचे आयोजन करण्यात आले होते, पालखीत षटखंडागम ग्रंथ ठेवून मिरवणूक काढण्यात आली. भाविकांनी पालखीचे स्वागत केले काही भक्तांनी मंगल आरती पूजन करून आपले भाव प्रकट केले. सर्व धर्मीयांनी पालखीचे भव्य स्वागत करून आनंद द्विगुणीत केले. पालखी नगराच्या विविध भागात मार्ग करीत प्राचीन क्षेत्र येथे विसर्जन झाले असल्याची माहिती खान्देश जैन समाजाचे प्रसिद्ध प्रमुख सतीश वसंतीलाल जैन यांनी दिली. रात्री क्षेत्रावर अखंड णमोकार पाठ नंतर भक्ताम्बर 48 दीपप्रज्वलनाने अनुष्ठान अधिक कार्यक्रम संपन्न झाले.