*शहर भाजपा मार्फत अहिल्या देवी होळकर जयंती निमित्त प्रतिमापूजन व मंदिर परिसर स्वच्छता अभियान*
नंदुरबार(प्रतिनिधी):-नंदुरबार येथील शहर भारतीय जनता पार्टीतर्फे पुण्यश्लोक अहिल्यादेवी होळकर यांच्या त्रिशताब्दी समारोहाची सांगता त्यांच्या 300 व्या जयंती निमित्त  उघडेश्वर महादेव मंदिर, दसरा मैदान मागे येथे प्रतिमापूजन तसेच मंदिर परिसराची स्वच्छता करण्यात आली. भारतीय जनता पार्टीचे प्रदेश सरचिटणीस तथा अहिल्यादेवी त्रिशताब्दी अभियानाचे प्रदेश संयोजक विजय चौधरी यांच्या सूचनेने व आमदार डॉक्टर विजयकुमार गावित, जिल्हाध्यक्ष निलेश  माळी यांच्या मार्गदर्शनाने जयंती साजरी करण्यात आली. राजमाता अहिल्यादेवी होळकर यांची प्रतिमा पूजन व ‘शिव महाआरती’ करून पुण्यश्लोक अहिल्यादेवी होळकर जयंती साजरी करण्यात आली. तसेच मंदिराची व परिसराची साफसफाई करण्यात आली सदर कार्यक्रमास जिल्हा सरचिटणीस सदानंद रघुवंशी, शहराध्यक्ष नरेश कांकरिया, डॉ सपना अग्रवाल, भीमसिंह राजपूत, पंकज पाठक, माणिक माळी, हेमंत कदम, मोहन खानवाणी, सरिता चौधरी यांच्यासह पदाधिकारी व कार्यकर्ते उपस्थित होते.