*लोकमान्य टिळक पुण्यतिथीनिमित्त वक्तृत्वस्पर्धा संपन्न*
नंदूरबार(प्रतिनीधी):-दिनांक 1 ऑगस्ट रोजी आपल्या हिरा प्रतिष्ठान संचलित, सहकार महर्षी अण्णासाहेब पी.के.पाटील माध्यमिक विद्यालय, नंदुरबार येथे शाळेचे मुख्याध्यापक सुरेंद्र पाटील यांच्या अध्यक्षतेखाली लोकमान्य टिळक पुण्यतिथी निमित्त त्यांच्या प्रतिमेचे पूजन व पुष्पहार अर्पण करून वक्तृत्व स्पर्धेचे उद्घाटन करण्यात आले. सदर स्पर्धेत इयत्ता 5 वी ते 7 वी करिता लोकमान्य टिळकांचे बालपण व इ.8 वी ते 10 वी करीता लोकमान्य टिळकांचे शैक्षणिक व सामाजिक कार्य असे दोन गटात  विषय देण्यात आले होते. त्यात जवळपास 52 विद्यार्थ्यांनी सहभाग नोंदवत 'स्वराज्य हा माझा जन्मसिद्ध हक्क आहे आणि तो मी मिळविणारच' असे ठामपणे सांगत लोकमान्य टिळकांचे बालपणातील विविध प्रसंग तसेच लोकमान्य टिळकांचे शैक्षणिक व सामाजिक कार्य करत असताना 'सरकारचे डोके ठिकाणावर आहे का?' अशा विविध शैलीतून आपापले विचार मांडले.
तद्नंतर शाळेचे मुख्याध्यापक सुरेंद्र पाटील यांनी त्यांच्या अध्यक्षीय भाषणातून विद्यार्थ्यांनी टिळकांबद्दलचे वक्तृत्व, त्यांचा आत्मविश्वास व अशा विविध स्पर्धेत सहभागी झाल्याबद्दल कौतुक करत स्पर्धात्मक युगात टिकायचे असेल तर कोणतेही आव्हान स्वीकारायला टिळकांसारखे निर्भीड व स्पष्ट वक्ते होणे आवश्यक आहे या शब्दात विद्यार्थ्यांना प्रवृत्त केले. तसेच स्पर्धेचा निकाल त्यांच्या शुभहस्ते जाहीर करण्यात आला लहान गट
प्रथम यशवर्धन लक्ष्मीकांत चौधरी,
द्वितीय रिया अर्जुन बंजारा, तृतीय सुहानी विलास कोकणी, उत्तेजनार्थ आदिनाथ विश्वनाथ राजपूत, मोठा गट
प्रथम आरुषी जितेश राठोड, द्वितीय मानसी महेंद्र बोरसे,
तृतीय सिद्धांत रमेश बच्छाव, तृतीय खुशबू सुरेश राठोड,
उत्तेजनार्थ नरेंद्र कैलास पवार, सदर वक्तृत्व स्पर्धेचे परीक्षण श्रीमती उज्वला चौरे व श
अमोल भदाणे यांनी केले. तर स्पर्धेतील लहान गटाचे सूत्रसंचालन दिनविशेष समितीच्या सदस्या श्रीम.चेतना चौधरी यांनी केले व समिती प्रमुख अनिल चौधरी यांनी मोठ्या गटाचे सूत्रसंचालन केले. शेवटी विश्वास गायकवाड यांनी कार्यक्रमाची सांगता केली. सदर कार्यक्रमास सर्व शिक्षक वृंद महेंद्र फटकाळ, सुधाकर सूर्यवंशी, नितीन साळी तसेच शिक्षकेतर कर्मचारी रविंद्र चौधरी, शेखर पाटील, सुधाकर ठाकूर यांचे सहकार्य लाभले.