*दुधाळे येथे विशेष सेवा शिबिरात 107 नागरिकांना शासकीय सेवांचा लाभ*
- देश-विदेश
- व्यवसाय
- मनोरंजन
- राजनीति
- विशेष बातमी
- थोडक्यात बातमी
- स्लाइडर
- खेळ
- आध्यात्मिकता
- आरोग्य
- ठळक बातम्या
*दुधाळे येथे विशेष सेवा शिबिरात 107 नागरिकांना शासकीय सेवांचा लाभ*
*दुधाळे येथे विशेष सेवा शिबिरात 107 नागरिकांना शासकीय सेवांचा लाभ*
नंदुरबार(प्रतिनिधी):-क्रांतीसूर्य भगवान बिरसा मुंडा जयंती, जनजातीय गौरव दिन आणि जनजातीय गौरव सेवा सप्ताह 2026 अंतर्गत नंदुरबार महसूल मंडळातील मौजे दुधाळे (ता. नंदुरबार) येथे विशेष शासकीय सेवा शिबिराचे आयोजन करण्यात आले. या शिबिराला ग्रामस्थांचा उत्स्फूर्त प्रतिसाद लाभला. या शिबिराच्या माध्यमातून विविध शासकीय विभागांच्या समन्वयातून नागरिकांना शासकीय योजना, दाखले व प्रमाणपत्रे एकाच ठिकाणी उपलब्ध करून देण्यात आली. गावातच विविध शासकीय सेवांचा लाभ मिळाल्याने नागरिकांनी समाधान व्यक्त केले. शिबिरात संजय गांधी निराधार अनुदान योजनेंतर्गत 3 लाभार्थ्यांना लाभ देण्यात आला. तसेच 12 उत्पन्नाचे दाखले आणि 15 शिधापत्रिकांचे वितरण करण्यात आले. याशिवाय 1 रहिवासी/अधिवास दाखला, 3 जन्म दाखले आणि 7 मृत्यू दाखल्यांचे वितरण करण्यात आले.
'जिवंत 7/12' मोहिमेंतर्गत 16 वारस नोंदी पूर्ण करण्यात आल्या. तसेच 45 महिला शेतकरी प्रमाणपत्रांची नोंदणी करण्यात आली, तर 5 नागरिकांच्या आधारकार्ड अद्ययावतीकरणाची प्रक्रिया पूर्ण करण्यात आली.
अशा प्रकारे एकूण 107 नागरिकांना विविध शासकीय सेवांचा प्रत्यक्ष लाभ देण्यात आला. शासकीय कार्यालयांमध्ये वारंवार जाण्याची गरज न पडता गावातच विविध सेवा उपलब्ध झाल्याने ग्रामस्थांना मोठा दिलासा मिळाला.
शिबिरादरम्यान प्रशासकीय अधिकाऱ्यांनी शासनाच्या विविध लोककल्याणकारी योजनांची माहिती देऊन अर्ज प्रक्रिया व लाभ मिळविण्याबाबत नागरिकांना मार्गदर्शन केले. आदिवासी व ग्रामीण भागातील पात्र नागरिकांपर्यंत शासकीय योजना सुलभतेने पोहोचविण्याच्या दृष्टीने हा उपक्रम महत्त्वपूर्ण ठरला. अशी माहिती एकात्मिक आदिवासी विकास प्रकल्पाचे सहायक प्रकल्प अधिकारी देवेंद्र पाटील यांनी एका प्रसिद्धी पत्रकान्वये दिली आहे.



