*जनजातीय गौरव सेवा सप्ताहांतर्गत लक्कडकोट येथे शासकीय योजनांबाबत मार्गदर्शन शिबिर संपन्न*
- देश-विदेश
- व्यवसाय
- मनोरंजन
- राजनीति
- विशेष बातमी
- थोडक्यात बातमी
- स्लाइडर
- खेळ
- आध्यात्मिकता
- आरोग्य
- ठळक बातम्या
*जनजातीय गौरव सेवा सप्ताहांतर्गत लक्कडकोट येथे शासकीय योजनांबाबत मार्गदर्शन शिबिर संपन्न*
*जनजातीय गौरव सेवा सप्ताहांतर्गत लक्कडकोट येथे शासकीय योजनांबाबत मार्गदर्शन शिबिर संपन्न*
नंदुरबार(प्रतिनिधी):-जनजातीय गौरव सेवा सप्ताह-2026 अंतर्गत मौजे लक्कडकोट (ता. शहादा) येथे शासकीय योजनांची माहिती व जनजागृती करण्याच्या उद्देशाने विशेष मार्गदर्शन शिबिराचे आयोजन करण्यात आले. या शिबिरात विविध शासकीय योजनांची नागरिकांना सविस्तर माहिती देण्यात आली.
शिबिरादरम्यान विविध शासकीय योजनांचा लाभ घेण्यासाठी आवश्यक पात्रता, अटी व शर्ती, आवश्यक कागदपत्रे आणि अर्ज प्रक्रियेबाबत उपस्थितांना मार्गदर्शन करण्यात आले. विशेषतः योजनांचा लाभ मिळविण्यासाठी ऑनलाईन पद्धतीने अर्ज कसा भरावा, याचे प्रत्यक्ष प्रात्यक्षिक दाखवून माहिती देण्यात आली. तसेच अर्ज सादर करताना घ्यावयाची काळजी आणि आवश्यक कागदपत्रे अपलोड करण्याच्या प्रक्रियेबाबतही मार्गदर्शन करण्यात आले.
कार्यक्रमादरम्यान नागरिकांनी शासकीय योजनांसंदर्भात विचारलेल्या विविध प्रश्नांचे निरसन करण्यात आले. पात्र लाभार्थ्यांनी आवश्यक कागदपत्रांची पूर्तता करून विहित प्रक्रियेनुसार अर्ज सादर करावेत, असे आवाहन यावेळी करण्यात आले. शासकीय योजनांचा लाभ घेण्यासाठी नागरिकांनी स्वतःहून पुढाकार घेण्याचे महत्त्वही अधोरेखित करण्यात आले.
ग्रामीण व दुर्गम भागातील पात्र लाभार्थ्यांपर्यंत शासनाच्या लोककल्याणकारी योजना प्रभावीपणे पोहोचविणे, योजनांबाबत जनजागृती करणे आणि शासकीय सेवा सुलभतेने उपलब्ध करून देणे हा या शिबिराचा मुख्य उद्देश होता. सेवा सप्ताहाच्या माध्यमातून प्रशासन व नागरिक यांच्यातील समन्वय अधिक दृढ होण्यास मदत झाली. शासकीय योजनांचा लाभ समाजातील शेवटच्या घटकापर्यंत पोहोचविण्याच्या दृष्टीने हे शिबिर महत्त्वपूर्ण ठरले. अशी माहिती एकात्मिक आदिवासी विकास प्रकल्पाचे सहायक प्रकल्प अधिकारी देवेंद्र पाटील यांनी एका प्रसिद्धी पत्रकान्वये दिली आहे.



