*एकलव्य विद्यालयात सरदार वल्लभभाई पटेल यांची जयंती एकता दिवस म्हणून साजरी*
नंदुरबार(प्रतिनिधी):-एकलव्य विद्यालयात सरदार वल्लभभाई पटेल यांची जयंती एकता दिवस म्हणून साजरी
भारताचे पूर्व उपप्रांतप्रधान व गृहमंत्री लोहपुरुष सरदार वल्लभभाई पटेल यांची जयंती एकलव्य विद्यालयात राष्ट्रीय एकता दिवस म्हणून साजरी करण्यात आली. उपस्थित मान्यवरांच्या हस्ते स्व.वल्लभभाई पटेल यांच्या प्रतिमेला माल्यार्पण व अभिवादन करून कार्यक्रमाची सुरुवात झाली.कार्यक्रमाचे प्रमुख वक्ते उपशिक्षक गौरीशंकर धुमाळ यांनी वल्लभभाई यांचे बालपण त्यांचे वकिलीचे शिक्षण व तसेच इंग्लंड येथे घेतलेल्या उच्च शिक्षणासाठीची धडपड याविषयी माहिती सांगितली. स्व. वल्लभभाई यांचा खेडा सत्याग्रह,बारडोली सत्याग्रह आणि 1942 मधले
चलेजाव आंदोलन मधील त्यांच्या योगदानाविषयी सविस्तर माहिती दिली. स्वातंत्र्य प्राप्तीनंतर देशाचे गृहमंत्री असताना साम दाम दंड भेद या नीतीचा अवलंब करत वल्लभभाई यांनी देशातील 560 पेक्षा जास्त संस्थानांचे स्वतंत्र भारतात विलीनीकरण केले. त्यातील काश्मीर व हैद्राबाद संस्थानाविषयी त्यांनी उचलेली कठोर पावले आणि त्यांच्या कार्यकाळात त्यांनी केलेल्या इतरही महत्वपूर्ण कामांचा धावता आढावा श्री धुमाळ यांनी घेतला. कार्यक्रमाच्या प्रसंगी विद्यालयाचे मुख्याध्यापक  
धर्मेंद्र मराठे, उपमुख्याध्यापक डॉ गिरीश पवार, पर्यवेक्षक टीका पाडवी, ज्येष्ठ शिक्षक वसंत वसईकर, मिलिंद वडनगरे, सुनील पाटील, सूर्यकांत चौधरी आदी व्यासपीठावर उपस्थित होते. धोंडीराम शिनगर यांनी कार्यक्रमाचे सूत्रसंचालन केले तर पुष्पराज पारधी यांनी उपस्थितांचे आभार मानले.