*पालकमंत्री हसन मुश्रीफ 29 ऑक्टोंबर रोजी नंदुरबार जिल्हा दौऱ्यावर,दुष्काळी परिस्थितीचा घेणार आढावा*
नंदुरबार(प्रतिनिधी):-राज्याचे वैद्यकीय शिक्षण मंत्री तथा नंदुरबार जिल्ह्याचे पालकमंत्री हसन मुश्रीफ 29 ऑक्टोबर 2026 रोजी नंदुरबार जिल्हा दौऱ्यावर येत आहेत. या दौऱ्यात ते नंदुरबार तालुक्यातील प्रिंप्री व नांदरखे येथील दुष्काळग्रस्त भागाची ते पाहणी करणार असून, जिल्हाधिकारी कार्यालयात दुष्काळी परिस्थितीचा आढावा घेणार आहेत. तसेच नागरिकांच्या भेटीगाठी घेणार आहेत.पालकमंत्री मुश्रीफ यांचा दौरा असा गुरुवार 29 ऑक्टोबर रोजी सकाळी 7.15 वाजता नंदुरबार रेल्वे स्थानक येथे आगमन, सकाळी 9.45 वाजता नंदुरबार तालुक्यातील प्रिंप्री, नांदरखे येथील दुष्काळग्रस्त भागाची पाहणी करतील. सकाळी 11 वाजता नियोजन सभागृह, जिल्हाधिकारी कार्यालय, नंदुरबार येथे जिल्ह्यातील दुष्काळी परिस्थितीची आढावा बैठक घेतील. दुपारी 12 वाजता नियोजन सभागृह, जिल्हाधिकारी कार्यालय येथे नागरिकांच्या गाठीभेटी घेतील. त्यानंतर दुपारी 12.30 वाजता नियोजन सभागृह, जिल्हाधिकारी कार्यालय,नंदुरबार येथे पत्रकार परिषद होईल. दुपारी 4 वाजता तहसिल कार्यालय, अक्कलकुवा येथे  शासनाच्या विकास योजनांची तालुकास्तरीय आढावा बैठकीस ते उपस्थित राहतील. रात्री 8.45 वाजता खान्देश एक्सप्रेसने नंदुरबार रेल्वे टर्मिनस येथून दादरकडे प्रयाण करतील.