*आदिवासी भिल्ल कर्मचारी स्नेहसंस्कृती संवर्धन मेळावा उत्साहात संपन्न झाला*
शहादा(प्रतिनिधी):-संघटनेचे ध्येय उद्दिष्ट शिक्षण व स्वावलंबन व सोबत आदिवासी अस्तित्व व अस्मिता संस्कृती डोळ्यासमोर ठेवून आदिवासी भिल्ल कर्मचारी स्नेहसंस्कृती स्थापन झाली आहे असे प्रतिपादन प्रा अशोक वळवी यांनी केले. आदिवासी भिल कर्मचारी स्नेहसंस्कृती संवर्धन मेळावा लोणखेडा येथील पाटीदार मंगल कार्यालयात उत्साहात पार पडला. यावेळी कार्यक्रमाचे अध्यक्ष आदिवासी भिल्ल कर्मचारी संघटनेचे तालुका अध्यक्ष प्रा अशोक वळवी होते तर प्रमुख पाहुणे म्हणून ज्येष्ठ साहित्यिक कवी वाहरू सोनवणे, जमन ठाकरे, सुभाष नाईक, ईश्वर पवार  उपस्थित होते. कार्यक्रमाची सुरुवात देव मोगरा मातेच्या प्रतिमेची शोभायात्रा काढण्यात आली. शोभायात्रेमध्ये आदिवासी संस्कृतीचे दर्शन व्हावे म्हणून ढोल पथकाच्या माध्यमातून आदिवासी नृत्य सादर करण्यात आले त्यामुळे संपूर्ण वातावरण हे आदिवासी भिल्ल संस्कृतीचे संवर्धन करण्यासाठी सज्ज झाल्याच्या भास होत होता. त्यानंतर प्रकृतीचे पंचतत्व पाच मुली मार्फत व ढोल वाद्य पदकाने करण्यात आले. धरती माता पूजन हे ईश्वर दादा पवार यांनी केले, तर धरती माता गीत भीमा ठाकरे यांच्या विद्यार्थ्यांनी केले.  पुढे बोलताना प्रा वळवी म्हणाले की गाव पातळीवरील गाव, पंच, तरुण मुले, विद्यार्थी या सर्वांशी संपर्क साधून समाजप्रबोधनाचे कार्य केले जाईल. तरुण वर्ग मोठ्या प्रमाणामध्ये भरकटला आहे यांना शिक्षणाच्या प्रवाहात आणणे. आदिवासी संस्कृतीचे जाण करून देणे व त्याची जपणूक करणे यासाठी संघटना प्रयत्नशील राहील सोबतच समाजप्रबोधनाचे कार्य देखील संघटनेच्या माध्यमातून केले जाईल जेणेकरून समाजा हा सुजाण प्रगतीच्या प्रवाहात आणण्यासाठी प्रयत्न केला जाईल. समाजामध्ये शिक्षित-सुशिक्षित मुलं मुली घडवण्यासाठी देखील संघटना बांधील असेल.
कार्यक्रमात कवी व ज्येष्ठ साहित्यिक वाहरू दादा सोनवणे सुभाष नाईक जमीन ठाकरे यांनी विविध विषयावर समाज प्रबोधन होईल याप्रमाणे मार्गदर्शन केले. कार्यक्रमात कर्मचारी बंधू भगिनींचे विविध क्षेत्रातील उत्कृष्ट कामगिरी केल्याबद्दल व काही कर्मचारी बांधवांच्या मुलांचे विशेष प्राविण्य प्राप्त केल्याबद्दल संघटनेतर्फे सत्कार करण्यात आला. गावाला नवी दिशा देण्यासाठी नांदे या गावाच्या पंचव ढोल वाद्यपथक यांना ढोल साहित्य देऊन कर्मचारी संघटनेतर्फे सत्कार करण्यात आला सोबतच श्री खेड गावचा ढोल पथक व पंच यांचे सत्कार करण्यात आला मागील अनेक वर्षापासून संस्कृती संवर्धनाचे कार्य या गाव पंचम मंडळी मार्फत होत असल्यामुळे त्यांचे कौतुक करण्यात आले. कार्यक्रमास शहादा, तळोदा, धडगाव, पुणे, मुंबई व मध्य प्रदेश या ठिकाणाहून मोठ्या संख्येने आदिवासी कर्मचारी बंधू भगिनी सामील झाले होते. कार्यक्रमाचे प्रास्ताविक किरण ठाकरे यांनी तर सूत्रसंचालन दिलीप ठाकरे व आभार सुभाष पाडवी यांनी मानले. कार्यक्रम यशस्वीतेसाठी शहादा तालुका आदिवासी भिल्ल कर्मचारी संघटनेचे सर्व पदाधिकारी व सदस्यांनी मेहनत घेतली.