*जात वैधता प्रमाणपत्रासाठी 15 ऑक्टोबरला त्रुटीपूर्तता शिबिर*
नंदुरबार(प्रतिनिधी):-सेवा संकल्प अभियानांतर्गत जिल्हा जात प्रमाणपत्र पडताळणी समिती, नंदुरबार कार्यालयामार्फत  15 ऑक्टोबर 2026 रोजी त्रुटीपूर्तता शिबिराचे आयोजन करण्यात आले आहे. अशी माहिती जिल्हा जात प्रमाणपत्र पडताळणी समितीचे संशोधन अधिकारी तथा सदस्य सचिव योगेश पाटील यांनी एका प्रसिद्धी पत्रकान्वये दिली आहे. सन 2026- 27 या शैक्षणिक वर्षात इयत्ता 10 वी व 12 वी विज्ञान शाखेत तसेच व्यावसायिक अभ्यासक्रमांसाठी प्रवेश घेतलेल्या मागासवर्गीय विद्यार्थ्यांचे जात वैधता प्रमाणपत्र मिळविण्यासाठीचे अर्ज त्रुटीपूर्तते अभावी समितीकडे प्रलंबित आहेत. अशा विद्यार्थ्यांनी  15 ऑक्टोबर रोजी समिती कार्यालयात प्रत्यक्ष उपस्थित राहून अर्जातील त्रुटींची पूर्तता करावी व जात वैधता प्रमाणपत्र प्राप्त करून घ्यावे. संबंधित विद्यार्थ्यांनी या शिबिराचा लाभ घ्यावा, असे आवाहन समिती कार्यालयातर्फे करण्यात आले आहे.