*देवरे विद्यालयात गणेशमूर्ती निर्मिती कार्यशाळेचे आयोजन*
नंदुरबार(प्रतिनिधी):-तालुक्यातील  आत्माराम धवळू देवरे माध्यमिक विद्यालय विखरण येथे गणेशोत्सवाचे औचित्य साधून 'लहानपणापासूनच विद्यार्थ्यांमध्ये पर्यावरण रक्षणाची आवड निर्माण व्हावी, या उद्देशाने 'पर्यावरणपूरक गणेशमूर्ती कार्यशाळा' आयोजित करण्यात आली होती. यावेळी मुख्याध्यापक डी.डी.साळुंके यांच्या मार्गदर्शनाखाली निसर्गाचे रक्षण आणि उत्सवाचे पावित्र्य जपण्याचा संदेश देण्यासाठी शाळेत विशेष कार्यशाळेचे आयोजन करण्यात आले होते. या कार्यशाळेत शाळेतील विद्यार्थ्यांनी उत्स्फूर्तपणे सहभाग नोंदवला.
प्लास्टर ऑफ पॅरिसमुळे होणारे दुष्परिणामांची माहिती शाळू माती आणि नैसर्गिक रंगांचा वापर करुन बाप्पाची मूर्ती कशी घडवावी याविषयी जलप्रदूषण टाळण्यासाठी आणि शाडूच्या मातीचे महत्त्व उपशिक्षक डी.बी. भारती यांनी विषद केले.तसेच विद्यालयातील कला शिक्षिका एस.एच. गायकवाड यांनी सोबत दीपेश लोहार या विद्यार्थ्याच्या प्रत्यक्ष कृतीतून विद्यार्थ्यांना थेट प्रात्यक्षिकांद्वारे मूर्ती बनवण्याचे प्रशिक्षण दिले. केवळ शाडूची माती आणि नैसर्गिक रंगांचा वापर करून गणपती बाप्पाची सुंदर मूर्ती कशी घडवावी, याची साधी पद्धत विद्यार्थ्यांना समजावून सांगितले.या कार्यशाळेदरम्यान विद्यार्थ्यांनी अत्यंत एकाग्रतेने आणि आनंदाने स्वतःच्या हातांनी मातीला आकार देत आकर्षक गणेशमूर्ती तयार केल्यात. मूर्ती सजवण्यासाठी पर्यावरण पूरक रंगांचा वापर करण्यात आला. या कार्यशाळेसाठी विद्यालयाचे उपशिक्षक सी.व्ही. नांद्रे, एम.डी. नेरकर, डॉ.आर. आर. बागुल,एम. एस.मराठे,ए.एस.बेडसे, तसेच जे. एस.पाटील, डी. बी.पाटील,एस.जी.पाटील, एच.एम. खैरनार यांचे मोलाचे संयोजन लाभले. विखरण गावातील पालकांनी देखील शाळेच्या या स्तुत्य उपक्रमाचे विशेष कौतुक केले आहे.