*के.आर.पब्लिक स्कूलमध्ये वीज सुरक्षेबाबत मार्गदर्शन*
नंदुरबार(प्रतिनिधी):–श्री स्वामी समर्थ विद्यानिकेतन संचलित कन्हैयालाल रावजीभाई पब्लिक स्कूल नंदुरबार येथे महाराष्ट्र राज्य विद्युत वितरण कंपनी मर्यादित (महावितरण) यांच्या वतीने विद्यार्थ्यांसाठी वीज सुरक्षा जनजागृतीपर व्याख्यानाचे आयोजन करण्यात आले.या कार्यक्रमात महावितरणचे सहाय्यक अभियंता राहुल चौधरी तसेच अभियंता शशिकांत गुरव यांनी विद्यार्थ्यांना वीज सुरक्षेबाबत महत्त्वपूर्ण मार्गदर्शन केले. दैनंदिन जीवनात विजेचा वापर करताना कोणती काळजी घ्यावी, विद्युत उपकरणांचा सुरक्षित वापर कसा करावा, तसेच वीज अपघात टाळण्यासाठी कोणत्या उपाययोजना कराव्यात, याबाबत विद्यार्थ्यांना सविस्तर माहिती देण्यात आली श्री. शशिकांत गुरव यांनी सुरक्षे संदर्भाची शपथ विद्यार्थ्यांन कडुन वधवुन घेतली.
विद्यार्थ्यांनी वीज सुरक्षेचे नियम स्वतः पाळण्या बरोबरच आपल्या कुटुंबीयांमध्ये आणि समाजातही त्याबाबत जनजागृती करावी, असे आवाहन यावेळी करण्यात आले.
या कार्यक्रमास संस्थेचे अध्यक्ष किशोर वाणी, संस्थेचे उपाध्यक्ष सिध्दार्थ वाणी, प्राचार्या डॉ. छाया शर्मा यांच्यासह शाळेतील शिक्षक, कर्मचारी व विद्यार्थी मोठ्या संख्येने उपस्थित होते. मान्यवरांनी विद्यार्थ्यांना मार्गदर्शन करून वीज सुरक्षेचे महत्व अधोरेखित केले.