*गुरुवारी उद्योग मंत्री उदय सामंत नंदुरबारात,छत्रपती नाट्यगृहात शिवसेना संघटनात्मक मेळाव्याचे आयोजन*
नंदुरबार(प्रतिनिधी):-राज्याचे उद्योगमंत्री तथा मराठी भाषा मंत्री उदय सामंत हे गुरुवारी नंदुरबारच्या दौऱ्यावर येत असून, त्यांच्या प्रमुख उपस्थितीत शहरातील छत्रपती शिवाजी महाराज नाट्य मंदिरात शिवसेना संघटनात्मक मेळाव्याचे 10 सप्टेंबर रोजी सकाळी 10 वाजता आयोजन करण्यात आले आहे, मंत्री उदय सामंत यांच्या उपस्थितीत 10 सप्टेंबर रोजी सकाळी 10 वाजता होणाऱ्या या मेळाव्यात जिल्ह्यातील शिवसेनेच्या संघटनात्मक परिस्थितीचा आढावा घेतला जाणार आहे. तसेच पक्षाची आगामी दिशा, संघटन मजबूत करण्यासाठीच्या उपाययोजना आणि पदाधिकारी व कार्यकर्त्यांशी संवाद साधला जाणार आहे.
मेळाव्यास जिल्ह्यातील शिवसेनेचे पदाधिकारी, लोकप्रतिनिधी, प्रमुख कार्यकर्ते तसेच शिवसैनिक मोठ्या संख्येने उपस्थित राहणार आहेत. मंत्री उदय सामंत यांच्या दौऱ्याच्या पार्श्वभूमीवर शिवसेनेच्या वतीने मेळाव्याची तयारी सुरू करण्यात आली आहे. मेळाव्यास मोठ्या संख्येने उपस्थित राहण्याचे आवाहन शिवसेना नेते, आमदार चंद्रकांत रघुवंशी, आ. आमश्या पाडवी, शिवसेना संपर्कप्रमुख तथा माजी आमदार शिरीष चौधरी, शिवसेना जिल्हाप्रमुख ॲड. राम रघुवंशी, ज्येष्ठ नेते विजयसिंह पराडके, जिल्हाप्रमुख गणेश पराडके, यांनी केले आहे.