*गव्हाणीपाडा जि.प. शाळेतील बालगोपाळांचा जन्माष्टमीचा आनंद द्विगुणित!विद्यार्थ्यांना वह्या व बिस्किटांचे वाटप*
तळोदा( प्रतिनिधी):-तळोदा तालुक्यातील गव्हाणीपाडा येथील जिल्हा परिषद शाळेत श्रीकृष्ण जन्माष्टमी उत्साहात साजरी करण्यात आली. यानिमित्त ग्रुप ग्रामपंचायत लोभाणीच्या लोकनियुक्त सरपंच सौ.शानु प्रतापसिंग वळवी यांच्याकडून शाळेतील चिमुकल्या बालगोपाळांना वह्या व बिस्किटांचे वाटप करण्यात आले. शैक्षणिक साहित्याच्या माध्यमातून विद्यार्थ्यांना शिक्षणासाठी प्रोत्साहन मिळावे आणि त्यांच्या उज्ज्वल भविष्यासाठी सकारात्मक वातावरण निर्माण व्हावे, या उद्देशाने हा उपक्रम राबविण्यात आला. वह्या व खाऊ मिळाल्याने विद्यार्थ्यांच्या चेहऱ्यावर आनंद फुलला. यावेळी बालगोपाळांना त्यांच्या पुढील शैक्षणिक वाटचालीसाठी तसेच उज्ज्वल भविष्यासाठी मनःपूर्वक शुभेच्छा देण्यात आल्या. जन्माष्टमीच्या निमित्ताने झालेल्या या उपक्रमामुळे विद्यार्थ्यांचा आनंद द्विगुणित झाला.
कार्यक्रमास शाळेचे मुख्याध्यापक काळे, शिक्षिका पाडवी, उपसरपंच रमेश पाडवी, सुनील पाडवी यांच्यासह इतर मान्यवर उपस्थित होते.