*NCMC कार्ड स्वाईप तक्रारी‌ बाबत उध्दव बाळासाहेब ठाकरे पक्षाचे राजापूर आगार व्यवस्थापकांना निवेदन*
राजापूर(प्रतिनिधी):-तालुक्यातील जनतेला भेडसावणाऱ्या NCMC कार्ड स्वाईप तक्रारी बाबत श्रीमती. काव्या पेडणेकर यांची उध्दव बाळासाहेब ठाकरे पक्षाच्या शिष्टमंडळाने नुकतीच भेट घेऊन चर्चा केली व निवेदन सादर केले. याप्रसंगी शिवसेना उध्दव बाळासाहेब ठाकरे पक्षाचे उपनगराध्यक्ष विनय गुरव, सभापती अभिजित तेली, नगरसेवक अभय मेळेकर, अनिल कुडाळी, विभाग प्रमुख संतोष हातणकर, युवासेनेचे उप सुहास कुपले, कार्यालय प्रमुख संजय पेडणेकर आदी मान्यवर उपस्थित होते  राज्य परिवहन  मंडळाने NCMC कार्ड अनिवार्य केले आहे परंतु  अनेक महिला भगिनींना याचा त्रास सहन करावा लागत आहे ग्रामीण भागात नेटवर्क नसल्याने कार्ड स्वाईप होत नाही, त्याचे रिचार्ज बसत नाही परिणामी अनेक महिलांना आज अर्ध तिकीट ऐवजी पूर्ण तिकीट काढून प्रवास करावा लागला या विषयी अनेक तक्रारी घेऊन महिला भगिनींनी शिवसेना पदाधिकारी यांच्याशी संपर्क करून पक्ष कार्यालयात येऊन तक्रारी मांडल्या तद्नंतर त्यातील  सत्यता जाणून घेण्यासाठी राजापूर  आगारव्यस्थापक यांची भेट घेण्यात आली या समस्या खऱ्या आहेत का याची खात्री करण्यात आली. त्यावेळी त्याने या समस्या आजच हे कार्ड सुरू झाले असल्याने या समस्या खऱ्या आहेत असे सांगून आम्ही पण जिल्ह्याला त्रुटी बाबत कळवलं आहे अस सांगण्यात आले. तरी पक्षाच्या वतीने त्याना निवेदन देऊन येत्या दोन दिवसात या त्रुटी दूर न झाल्यास आम्ही राजापूर तालुका शिवसेना उध्दव बाळासाहेब ठाकरे पक्षाच्या वतीने आंदोलनाचा इशारा देण्यात आला आहे.