*भात पीक स्पर्धेत जिल्ह्यात प्रथम आलेल्या कोळवणखडीचे शेतकरी नागेश बने यांचा सत्कार*
राजापूर(प्रतिनिधी):-महाराष्ट्र शासनाच्या कृषी विभागामार्फत आयोजित सन 202 खरीप हंगाम पीक स्पर्धेत आपल्या शेतात आधुनिक कृषी तंत्रज्ञानाचा वापर, शास्त्रीय नियोजित लागवड आणि अथक परिश्रमाच्या जोरावर भात या पिकाचे अत्यंत दर्जेदार व उच्चांकी उत्पादन घेऊन कोळवणखडीचे प्रगतशील शेतकरी नागेश रामभाऊ बने यांनी जिल्हा स्तरावर प्रथम क्रमांक पटकावला आहे. या उल्लेखनीय व विशेष कामगिरीबद्दल पालकमंत्री उदय सामंत यांनी रत्नागिरी येथे त्यांचा गौरव केला तसेच राजापूर तालुका विकास युवा संघाचे अध्यक्ष मधुकर गोमणे यांनीही 22 ऑगस्ट रोजी गजानन हाॅल ओणी येथे झालेल्या कार्यक्रमात विशेष सत्कार केला त्याशिवाय  राजापूर तालुका जनकल्याण सहकारी पतसंस्थेच्या वतीने जाहीर सत्कार करण्यात आला याप्रसंगी संस्था अध्यक्ष हरिश्चंद्र शिवगण तसेच उपाध्यक्ष व संचालक मंडळाचे पदाधिकारी उपस्थित होते.