*पाचल पंचक्रोशी मित्र मंडळातर्फे पाचल बाजारपेठेत रोख 51 हजाराची दहीहंडी,सोबत रस्सीखेच स्पर्धेचही आयोजन*
राजापूर(प्रतिनिधी):-तालुक्यातील पाचल बाजारपेठेत पहिल्यांदाच रोख 51 हजार  रुपयांच्या दहीहंडी उत्सवाचे 5 सप्टेंबर 2026 रोजी दुपारी 12 वाजता आयोजन करण्यात आले आहे. सोबत सर्वाचे लक्ष वेधून घेणा-या रस्सीखेच स्पर्धेचेही आयोजन करण्यात आले आहे. पाचल पंचक्रोशी मित्रमंडळाने या दहीहंडी उत्सवाचे आयोजन केले आहे. त्यामुळे दहीहंडी गोविंदा पथकामध्ये उत्सवाचे वातावरण पसरले आहे. सर्वाचे लक्ष वेधून घेणाऱ्या रस्सीखेच स्पर्धेसाठी आकर्षक बक्षिसे ठेवण्यात आली आहेत. प्रथम क्रमांक रोख रुपये 7 हजार 777 रुपये, द्वितीय क्रमांक रोख रुपये 5 हजार 555  रुपये, तृतीय क्रमांक रोख रुपये 3 हजार 333 रुपये अशी बक्षिसे ठेवण्यात आली आहेत. पाचल पंचक्रोशी मित्रमंडळ दरवर्षी दहीहंडी उत्सवाचे आयोजन करून आपले धार्मिक सन आणि  संस्कृतीचे जतन करीत असते. मंडळाच्या या उपक्रमाचे सर्वत्र कौतुक होत असून या दहीहंडी उत्सवाकडे सर्वाचे लक्ष लागून राहिले आहे. या दहीहंडी उत्सव आणि रस्सीखेच स्पर्धेसाठी संदिप बारसकर, सुरेश ऐनारकर, वैभव वायकूळ, सचिन पांचाळ व सोनू पाथरे यांच्याशी संपर्क साधण्याचे आवाहन करण्यात आले आहे.