*आदिवासी लाभार्थ्यांकडून पैसे मागणा-या सुनील सुळे कृषी सहाय्यक यांना निलंबित करण्याची मागणी, महाडिबीटी, ठिंबक, फळबाग योजनेच्या लाभासाठी प्रत्येकी 5 ते 1 हजार रुपये पर्यंत लाच मागितल्याची तक्रार दाखल*
शहादा(प्रतिनिधी):-महाडीबीटी पोर्टल योजनेअंतर्गत शेडनेट पॅक हाऊस जिओ टकिंग मंजुरीसाठी प्रत्येक लाभार्थ्यांकडून प्रत्येकी 5-5 हजार रूपये, ठिंबक सिंचन योजनेच्या लाभासाठी पूर्व संमतीपत्र देण्याकरिता  लाभार्थ्याकडून प्रत्येकी 3-3 हजार रुपये, फळ बाग योजना अंतर्गत आंबा लागवडीसाठी प्रत्येकी लाभार्थ्याकडून प्रत्येकी 1-1 हजार रुपये लाच / पैसे मागणी करणा-या सुनिल सुळे कृषी सहाय्यक अधिकारी गट मंदाणे ता शहादा जिल्हा नंदुरबार यांना तात्काळ सेवेतून निलंबित करा, अशी मागणी तालुका कृषी अधिकारी शहादा  यांच्याकडे शहाणा गावातील 31 जणांनी 3 स्वतंत्र तक्रार अर्जाद्वारे केली आहे. तक्रारीत नमूद करण्यात आले आहे की, महाडीबीटी पोर्टल योजनेअंतर्गत शेडनेट पॅक हाऊस जिओ टकिंग मंजुरी करण्यासाठी, ठिंबक सिंचन योजनेच्या लाभासाठी पूर्व संमतीपत्र देण्याकरिता व फळबाग योजना अंतर्गत आंबा लागवडीसाठी  सुनिल सुळे, कृषी सहाय्यक अधिकारी, गट मंदाणे, ता. शहादा, जि. नंदुरबार हे लाभार्थीकडून प्रत्येकी 5 हजार ,3 हजार व 1 हजार रूपये लाच / पैसे मागणी करीत असल्याच्या तक्रारी प्राप्त झाल्या आहेत. विशेष बाब म्हणजे, महाडीबीटी पोर्टलवरील शेडनेट पॅक हाऊस जिओ टकिंग मंजुरीसाठी 5000 रूपये लाचेची मागणी करण्यात आलेली आहे. सदर रक्कम देण्यास नकार दिल्यामुळे आमचे काम प्रलंबित ठेवण्यात आले आहे. सदर प्रकार हा शासनाच्या भ्रष्टाचारविरोधी धोरणाचा व शासकीय सेवक आचारसंहितेचा घोर भंग करणारा असून लाभार्थ्यांना मानसिक व आर्थिक त्रास सहन करावा लागत आहे. तरी सदर प्रकरणाची तात्काळ चौकशी करून सुनिल सुळे, कृषी सहाय्यक अधिकारी, गट मंदाणे, ता. शहादा, जि. नंदुरबार यांना तात्काळ सेवेतून निलंबित करण्यात यावे व त्यांच्याविरूद्ध भ्रष्टाचार प्रतिबंधक कायदा अंतर्गत कठोर कारवाई करण्यात यावी, अशी मागणी लाभार्थ्यांनी तालुका कृषी अधिकारी शहादा यांच्याकडे केली आहे.