*शनिमांडळ येथे महा-ई-सेवा केंद्राचा शुभारंभ*
नंदुरबार(प्रतिनिधी):-नंदुरबार तालुका विधायक समिती संचलित साधना विद्यालय व कनिष्ठ महाविद्यालय, शनिमांडळ येथे महा-ई-सेवा केंद्राचा शुभारंभ करण्यात आला आहे.
स्वातंत्र्यदिनाच्या 80 व्या वर्षाच्या निमित्ताने आयोजित कार्यक्रमात सयाजी मोरे यांच्या शुभहस्ते महा-ई-सेवा केंद्राचे उद्घाटन करण्यात आले. ग्रामीण भागातील विद्यार्थी, पालक आणि नागरिकांना विविध शासकीय दाखले, प्रमाणपत्रे, ऑनलाइन अर्ज तसेच इतर डिजिटल शासकीय सेवा स्थानिक पातळीवर सहज उपलब्ध व्हाव्यात, या उद्देशाने हे केंद्र सुरू करण्यात आले आहे. शाळेच्या परिसरातच ही सुविधा उपलब्ध झाल्यामुळे परिसरातील नागरिकांसह विद्यार्थी व पालकांची मोठी सोय होणार आहे. ग्रामीण भागातील डिजिटल सक्षमीकरणाच्या दृष्टीने हा उपक्रम महत्त्वपूर्ण ठरणार आहे.