*राष्ट्रीय आदर्श शिक्षक पुरस्काराने प्रशांत भगवान शिंदे सन्मानित*
नाशिक(प्रतिनिधी):-शिक्षण व क्रीडा क्षेत्रात उल्लेखनीय कार्य केल्याबद्दल प्रशांत भगवान शिंदे यांना राष्ट्रीय आदर्श शिक्षक पुरस्कार प्रदान करून गौरविण्यात आले. नाशिक येथील शुभमंगल कार्यालय, बळी मंदिराजवळ, आग्रा रोड, पंचवटी येथे हा पुरस्कार वितरण सोहळा उत्साहात पार पडला. दुधारे स्पोर्ट्स फाउंडेशन, नाशिक व ग्लोबल ह्युमन रिसोर्स अँड वेलफेअर सोसायटी, ठाणे यांच्या संयुक्त विद्यमाने आयोजित या सोहळ्यात मान्यवरांच्या हस्ते प्रशांत भगवान शिंदे यांचा राष्ट्रीय आदर्श शिक्षक पुरस्कार देऊन सन्मान करण्यात आला. या कार्यक्रमास शिवाजीराजे जाधव, अण्णासाहेब पाटील, तसेच डी.एस.एफ. नाशिकचे अध्यक्ष अशोक दुधारे, जी. एच.आर.डब्ल्यू.एस.चे अध्यक्ष डॉ.बलवंत सिंग, प्रा. डॉ. ज्ञानेश्वर टेंग, आनंद खरे यांच्यासह विविध क्षेत्रातील मान्यवरांची प्रमुख उपस्थिती होती.
प्रशांत भगवान शिंदे हे चावरा इंग्लिश मीडियम स्कूल, नंदुरबार येथे शारीरिक शिक्षण व क्रीडा विभागात कार्यरत असून विद्यार्थ्यांमध्ये क्रीडा, शारीरिक तंदुरुस्ती, शिस्त आणि सर्वांगीण विकासासाठी सातत्याने कार्यरत आहेत. विविध क्रीडा उपक्रम, स्पर्धा, प्रशिक्षण आणि विद्यार्थ्यांच्या क्रीडा सहभागासाठी त्यांनी केलेल्या योगदानाची दखल घेत त्यांना हा सन्मान प्रदान करण्यात आला.
या पुरस्कारामुळे नंदुरबार जिल्ह्याच्या शैक्षणिक व क्रीडा क्षेत्रात आनंदाचे वातावरण निर्माण झाले असून, प्रशांत भगवान शिंदे यांच्यावर सर्व स्तरांतून अभिनंदनाचा वर्षाव होत आहे.