*शहीद शिरीषकुमार मित्र मंडळातर्फे भारत माता पूजन आणि राष्ट्रीय ध्वजारोहण*
नंदुरबार(प्रतिनिधी):-शहरातील बालवीर चौक, महात्मा बसवेश्वर नगर येथे शहीद शिरीषकुमार मित्र मंडळातर्फे शनिवार 15 ऑगस्ट रोजी  भारतीय स्वातंत्र्य दिनाचा 80 वा वर्धापन दिन उत्साहात साजरा करण्यात आला. याप्रसंगी छाया जैन प्रतिष्ठानचे अध्यक्ष सुरेश जैन यांच्या हस्ते तिरंगा राष्ट्रीय ध्वजारोहण करण्यात आले.भारत माता प्रतिमेचे पूजन राज्य कर्मचारी महासंघाचे प्रदेश उपाध्यक्ष रणजितसिंग राजपूत यांच्या हस्ते करण्यात आले. तर हुतात्मा शिरीष कुमार मेहता यांच्या प्रतिमेस परीट समाज प्रदेश उपाध्यक्ष महेंद्र बोरसे यांनी पुष्प अर्पण केले. ध्वजारोहणा नंतर वंदे मातरम गीत राष्ट्रगीत आणि गर्जा महाराष्ट्र माझा गीत  म्हणण्यात आले. मंडळाचे संस्थापक अध्यक्ष महादू हिरणवाळे यांनी
वंदे मातरम गीताला 150 वर्षे पूर्ण झाले. स्वातंत्र्यप्राप्तीस 80 वर्ष    झाल्याची माहिती दिली. निवृत्त शिक्षक जी. एस. गवळी यांनी सूत्रसंचालन केले.
कार्यक्रमास उद्योजक सुरजमल तोष्णीवाल, निवृत्त वीज कर्मचारी मोहन वाडीले, दिगंबर जैन समाजाचे मुकेश झांजरी, पतंजली समितीचे भास्कर रामोळे, श्याम राजपूत, शहराध्यक्ष छोटू चौधरी, नितीन तावडे, शाम कासार यांच्यासह बालवीर चौक  परिसरातील महिला, पुरुष, शालेय विद्यार्थी मोठ्या संख्येने उपस्थित होते.
कार्यक्रमाचे संयोजन शहीद शिरीषकुमार मित्र मंडळाचे संस्थापक अध्यक्ष महादू हिरणवाळे, कार्याध्यक्ष संभाजी हिरणवाळे, प्राध्यापक एकनाथ हिरणवाळे, गोपाल हिरणवाळे,  यांनी केले.