*स्वातंत्र्यदिनाच्या पार्श्वभूमीवर शताब्दी इन्स्टिट्यूट ऑफ फार्मसीमध्ये भव्य ‘तिरंगा रॅली’ उत्साहात संपन्न*
नंदुरबार(प्रतिनिधी):-भारतीय स्वातंत्र्यदिनाच्या पार्श्वभूमीवर तसेच ‘हर घर तिरंगा’ अभियानाचा एक भाग म्हणून शताब्दी इन्स्टिट्यूट ऑफ फार्मसी, नंदुरबार येथे 13 ऑगस्ट 2026 रोजी भव्य ‘तिरंगा रॅली’चे आयोजन करण्यात आले. रॅलीमध्ये महाविद्यालयातील विद्यार्थी, शिक्षकवृंद व कर्मचारी उत्साहाने सहभागी झाले होते. या उपक्रमास महाविद्यालयाच्या अध्यक्षा सौ. योगिता गणेश पाटील, सचिव गणेश गोविंद पाटील तसेच प्राचार्य डॉ. पंकज एम. चौधरी यांचे मार्गदर्शन लाभले. संस्थेच्या पदाधिकाऱ्यांनी विद्यार्थ्यांना स्वातंत्र्यदिनाच्या शुभेच्छा देत राष्ट्रध्वजाचा सन्मान आणि देशाप्रती असलेल्या कर्तव्याचे महत्त्व अधोरेखित केले.
विद्यार्थ्यांनी हातात अभिमानाने राष्ट्रध्वज घेऊन “भारत माता की जय”, “वंदे मातरम्” अशा देशभक्तीपर घोषणांनी परिसर दुमदुमून टाकला. संपूर्ण रॅलीदरम्यान विद्यार्थ्यांमध्ये प्रचंड उत्साह व देशप्रेमाची भावना दिसून आली. या उपक्रमाचा मुख्य उद्देश विद्यार्थ्यांमध्ये देशभक्तीची भावना, राष्ट्रीय एकात्मता आणि राष्ट्राप्रती असलेल्या कर्तव्यांची जाणीव निर्माण करणे हा होता. अशा उपक्रमांमुळे विद्यार्थ्यांमध्ये सामाजिक बांधिलकी, राष्ट्रीय मूल्ये आणि जबाबदार नागरिकत्वाची भावना अधिक दृढ होते. “तिरंगा आपल्या अभिमानाचा, राष्ट्रप्रेम आपल्या मनाचा!” शताब्दी इन्स्टिट्यूट ऑफ फार्मसीच्या वतीने आयोजित करण्यात आलेली ही तिरंगा रॅली उत्साहपूर्ण, शिस्तबद्ध आणि देशभक्तीमय वातावरणात यशस्वीरीत्या संपन्न झाली.