*नागन मध्यम प्रकल्पबाबत सतर्कतेचा इशारा*
नंदुरबार(प्रतिनिधी):-नंदुरबार मध्यम प्रकल्प विभागीय पथक, नंदुरबार या कार्यालयांतर्गत असलेल्या नंदुरबार जिल्ह्यातील नवापूर तालुक्यातील भरडू येथील नागन या प्रकल्पाच्या धरण क्षेत्रात व पाणलोट क्षेत्रात मोठया प्रमाणात पाऊस झाल्यामुळे धरणात येवा वाढत आहे, सदर प्रकल्पाच्या पाणी पातळीत मागील 24 तासात वाढ झाली असून, सद्यस्थितीत पाणी पातळी 203.50 मी. ची नोंद झाली आहे, सदर प्रकल्पाची महत्तम पूर पातळी 205. 30 मी. असून पाण्याची पातळी नियंत्रित करणेसाठी धरणातून, पाण्याचा विसर्ग सोडण्यात येणार आहे, तरी नागन नदी काठावरील गावांना सतर्कतेचा इशारा देण्यात आला आहे की,
नागन नदीच्या काठावरील असलेली गावे भरडू, तारपाडा, सोनारे, भांगरपाडा, बिलबारा, देवळीपाडा, दुधवे, नवागाव, महालकडू, बंधारे
येथील रहिवासी नागरिकांनी नदीपात्रामध्ये गुरढोरे सोडण्यात येऊ नये व कोणत्याही मनुष्याने नदीपात्रात जावू नये, तसेच नागरिकांनी आवश्यक ती खबरदारी घेण्याचे आवाहन करण्यात आले आहे.