*एकदा तरी अनुभवावी डी.आर.ची वारी*
नंदुरबार(प्रतिनिधी):-श्रीमती दुर्गाबाई रघुवंशी हायस्कूलच्या वतीने सर्व शिक्षक शिक्षकेतर वृंद व विद्यार्थी यांच्या संयुक्त सहभागाने आषाढी एकादशीच्या पूर्वसंध्येला प्रति पंढरपूर वारीचे आयोजन करण्यात आले होते. 'अनुभवावी वारी एकदा तरी 'या संत महात्म्यांचा उक्तीनुसार 'ज्ञानोबा माऊली ज्ञानराय तुकाराम, विठ्ठल विठ्ठल संतांचा आसमंतात गजर करत नंदुरबार करांनी साक्षात पंढरपूरच्या वारीच्या भक्तिमय सोहळा अनुभवला.
वारीच्या सुरुवातीला उपमुख्याध्यापक श्रीराम मोडक यांच्या हस्ते पांडुरंगाची आरती करण्यात आली. वारी शाळेच्या प्रांगणात आरंभ होऊन विठ्ठल रुक्मिणीच्या चरणी आपली श्रद्धा आणि भक्तीचे फुले अर्पण करून  वारीची सांगता शाळेच्या प्रांगणात शिक्षक,शिक्षककेतर वृंद व विद्यार्थी यांच्यातर्फे भक्तिमय वारीचे आणि ज्ञान, कर्म, भक्तीचे रिंगण सादर करून करण्यात आली.
यावेळी विद्यार्थ्यांनी विठ्ठल-रुक्मिणी,संत तुकाराम,संत ज्ञानेश्वर,नाम्या अश्या प्रकारे विविध संतांच्या वेशभूषा परिधान केल्या तसेच शाळेच्या अनेक विद्यार्थ्यांनी वारकरी संप्रदायाच्या वारकऱ्यांची वेशभूषा परिधान करून संपूर्ण वातावरण भक्तिमय करून दिले. विशेष म्हणजे वरुणराजाने ही काही काळासाठी आपला पाऊस थांबवून विठुरायाला अभिवादन केले. या वारीला शाळेचे उपमुख्याध्यापक श्रीराम मोडक, पर्यवेक्षक हेमंत खैरनार हे उपस्थित होते. या कार्यक्रम प्रसंगी संगीत शिक्षिका भाविका खेडकर यांनी शालेय विद्यार्थ्यांकडून  भक्तीगीत सादर केले. कार्यक्रमाच्या यशस्वीतेसाठी उत्सव समिती प्रमुख तुषार नांद्रे, व वेशभूषा व मेकअप कला शिक्षक देवेंद्र कुलकर्णी यांनी तर तसेच सर्व उत्सव समितीतील सर्व सदस्य यांनी परिश्रम घेतले.